پاشينيان پرەمەر-مينيسترلىككە وتپەي قالدى

ارمەنياداعى پرەمەر-مينيستر سايلاۋىنا جالعىز ءوزى تۇسكەن وپپوزيتسيالىق توپتىڭ ليدەرى نيكول پاشينيان پرەمەر-مينيستر رەتىندە سايلانۋ ءۇشىن جەتكىلىكتى داۋىس جيناي المادى، دەپ حابارلايدى yeniakit.com اگەنتىگى.

وعان تەك 45 دەپۋتات عانا داۋىس بەرگەن. ال پرەمەر-مينيستر بولىپ سايلانۋ ءۇشىن وعان ءالى 53 داۋىس كەرەك. بيلىكتەگى رەسپۋبليكا پارتياسى جاقتاستارىنىڭ بارلىعى «جوق» داۋىسىن قولدانعان. ەندى ارمەنيانىڭ زاڭىنا بايلانىستى جاڭا داۋىس بەرۋ ناۋقانىن كۇتۋ ءۇشىن پاشينيانعا 7 كۇن كۇتۋ كەرەك. ەگەر ەكىنشى سايلاۋدان دا ەشقانداي ناتيجە شىقپاسا، پارلامەنت بىردەن تاراتىلادى. وزدەرى ۇسىنعان كانديداتتىڭ سايلانباعانىن ەستىگەن پاشينياننىڭ قولداۋشىلارى قارسىلىق شارالارىن «جەڭىسكە جەتكەنشە» جالعاستىرا بەرەتىندىكتەرىن ايتتى. سايلاۋدان كەيىن ءسوز العان پاشينيان، «مەنىڭ سايلاۋدان وتپەي قالعانىمدا  تۇرعان ەشتەڭە جوق. ماسەلە، سەندەردىڭ حالىقتىڭ جەڭىسكە جەتۋىنە قاتىستى ۇستانىمدارىڭىز. ولاردىڭ ءبارىبىر جەڭىسكە جەتپەي قويمايتىندارىن دا جاقسى بىلەسىڭدەر» ، - دەدى.

اتالعان وقيعادان كەيىن پاشينيان ەلدەگى اۋەجايلاردى جاۋىپ، كوشەلەر مەن مەترولاردىڭ جۇمىسىن توقتاتۋعا ۇندەپ، ءوز قارسىلىعىن جالعاستىرۋدا.

“The Qazaq Times”