گازا سەكتورىنداعى «ۇلى ورالۋ مارشى» ءالى جالعاسۋدا

"پالەستينالىقتار تاراپىنان  30 ناۋرىز كۇنى يزرايل شەكاراسىندا باستالعان «ۇلى ورالۋ مارشى» ءالى جالعاسۋدا. جۇما كۇنى مىڭداعان پالەستينالىق بەسىنشى رەت جينالدى" ، - دەپ حابارلايدى "euronews.com" اقپارات اگەنتتىگى.

ءيزرايلدىڭ قورشاۋعا الۋ ارەكەتىنە بايلانىستى 2006 جىلدان بەرى شيەلەنىستى جاعدايعا جەتكەن گازا سەكتورىنداعى «ۇلى ورالۋ مارشى» باستالعاننان بەرى 42 پالەستينالىق قازا تاۋىپ، 3 مىڭ 500-دەن استام ادام جارالانعان.

1976 جىلى 30 ناۋرىزدا ءيزرايلدىڭ سولتۇستىگىندەگى گاليلەي ايماعىندا تۇراتىن يزرايل ازاماتى پالەستينالىقتارعا تيەسىلى مىڭداعان شارشى مەترلىك جەردى باسىپ العان. وسىعان قاتىستى پالەستينا حالقى نارازىلىق ءبىلدىرىپ، شەرۋگە شىققان ەدى. يزرايل پوليتسەيلەرى شەرۋگە قاتىسقان پالەستينالىقتارعا وق اتىپ، 6 ادام كوز جۇمعان، كوپتەگەن ادام جارالانعان. «جەردى قورعاۋ» كۇنى رەتىندە بەلگىلى بۇل وقيعا، يزرايل مەن پالەستينا اراسىنداعى قاقتىعىسقا سەبەپ بولعان. ال،  «ۇلى ورالۋ مارشى» پالەستينالىقتاردىڭ جەر تۋرالى ماسەلەدەگى قارسىلىعىن بىلدىرەدى.

“The Qazaq Times”