گەرمانيا ءسۇريا ءۇشىن 1 ملرد ەۆرو كومەك بەرمەك. فوتو: نوۆوستي سامارى.

بريۋسسەلدە وتكەن سۇرياعا كومەك بەرۋ تاقىرىبىنداعى كونفەرەنتسيادا گەرمانيانىڭ ءسىم باسشىسى حايكو ماسس نەمىس ۇكىمەتىنىڭ سۇرياعا 1 ملرد ەۆرو كومەك قاراجاتىن بەرەتىنىن مالىمدەدى. بۇل تۋرالى «انادولى» اقپاراتتىق اگەنتتىگى حابارلادى.

گەرمانيا سىرتقى ىستەر ءمينيسترى سوزىندە، ەڭ ماڭىزدىسى بەيبىت حالىقتىڭ قاۋىپسىزدىگى ەكەنىن اتاپ ءوتتى. وعان قوسا گەرمانيا تارابى سۇرياداعى ساياسي ءۇردىستى قالپىنا كەلتىرۋگە دە كومەك قولدارىن سوزاتىنىن جەتكىزدى.

گەرمانيا سىرتقى ىستەر مينيسترلىگىنىڭ حابارىنا قاراعاندا وسى جىلدىڭ ەكىنشى جارتىسىندا اتالعان كومەك قاراجاتىنا تاعى 300 ملن ەۆرو قوسپاق. بۇل بىلتىر گەرمانيا ۇكىمەتى ۋادە بەرگەن كومەك قاراجاتىن تولىق جەتكىزەتىنىن كورسەتەدى. سۇرياعا كومەك تاقىرىبىنداعى حالىقارالىق كونفەرەنتسيانى بۇۇ مەن ەو تاراپتارى ۇيىمداستىرعان. جيىنعا الەمنىڭ 80-نەن استام ەلدەرى جانە حالىقارالىق ۇيىمدار قاتىسقان.

سۇرياداعى تۇراقسىزدىق ەۋروپا ەلدەرى اراسىندا تۇركيادان تىس گەرمانياعا كوبىرەك ىقپال ەتتى. ءسۇريا سوعىسى باستالعان كەزدە بوسقىندارى وسى ەلگە اعىلعان ەدى. سونىڭ سالدارىنان گەرمانيادا ميگراتسيا داعدارىسى بولعان. ءبىر جاعىنان الىپ قاراساق، سۇرياداعى جاعدايدىڭ رەتتەلۋى گەرمانيا ءۇشىن ميگراتسيالىق ماسەلەنى شەشۋگە دە وڭ ىقپال ەتەر ەدى.

“The Qazaq Times”