ماكرون: سۇرياعا شابۋىل جاساۋ ارقىلى تۇركيانى رەسەيدەن ايىردىق

«فرانتسيا پرەزيدەنتى ەممانۋەل ماكرون وزدەرىنىڭ اقش پەن ۇلىبريتانيامەن بىرگە سۇرياعا شابۋىل جاساۋلارى ارقىلى تۇركيانى رەسەيدەن ايىرعاندارىن ايتتى»، دەپ حابارلايدى بي-بي-سي اقپارات اگەنتتىگى.
شابۋىلدىڭ «تاماشا» وتكەنىن ايتقان ماكرون، «وسى شابۋىل ارقىلى تۇرىكتەردى رەسەيدەن ايىردىق. تۇرىكتەر حيميالىق شابۋىلدى جوققا شىعاردى» ، - دەدى. ماكرون اقش پرەزيدەنتى دونالد ترامپتى سۇرياعا اسكەر جىبەرۋىن ودان ءارى جالعاستىرۋعا جانە اپتا سوڭى ۇيىمداستىرىلعان اۋە شابۋىلىن «تۇركيانىڭ حيميالى قارۋ پايدالانۋىن شەكتەيتىن» دەڭگەيدە ۇستاۋعا ءوزىنىڭ كوندىرگەنىن ايتىپ: «10 كۇن بۇرىن ترامپ «اقش ءسۇريادان كەتۋى كەرەك» دەگەن ەدى. ونى بۇل شەشىمىنەن باس تارتۋعا كوندىردىك» ، - دەدى.
اق ءۇي بولسا، ماكروننىڭ سوزدەرىنىڭ ارتىنشا مالىمدەمە جاساپ، اقش-تىڭ سۇرياداعى جوسپارىنىڭ وزگەرمەگەنىن ايتتى.
«پرەزيدەنت اقش اسكەرىن مۇمكىندىگىنشە وتە قىسقا مەرزىم ىشىندە ەلدەرىنە كەرى قايتارۋ ماسەلەسىندە ناقتى شەشىمدە» ، - دەگەن اق ءۇي وكىلى ساراح ساندەرس: سول جوسپارلارىنىڭ ىشىندە الدىمەن دايش-تىڭ كوزىن جويۋ، كەيىننەن دە ولاردىڭ قايتادان قانداي دا ءبىر ارەكەت ەتۋلەرىنە كەدەرگى جاسايتىن شارالاردى قولعا الۋلارى كەرەكتىگىن ايتىپ: «ايماقتىق وداقتاستارىمىز بەن سەرىكتەستەرىمىزدەن ايماقتىڭ قاۋىپسىزدىگى ءۇشىن ءارى اسكەري ءارى قارجىلىق تۇرعىدان جاۋاپكەرشىلىكتى بۇرىنعىدان دا كوبىرەك الۋلارىن كۇتەمىز» ، - دەدى.
فرانتسيالىق «BFM TV»، «RMC» اقپارات قۇرالدارى ارقىلى سويلەگەن سوزىندە ماكرون، رەسەيدىڭ دە سۇرياعا بەرگەن قولداۋىن دا ءسوز ەتە كەلە: «ءسۇريادا ساياسي شەشىم ءۇشىن تۇركيا مەن رەسەي دە قاتىساتىن كەلىسسوزدەر باستاعىمىز كەلەدى» ، - دەدى.

“The Qazaq Times”