ۆانۋاتۋ. فوتو: Google maps.

اۋستراليانىڭ (اۆستراليا) اقپارات قۇرالدارى، قىتايدىڭ وڭتۇستىك تىنىق مۇحيتتاعى ۆانۋاتۋ ەلىمەن بايلانىس ورناتىپ، سول ەلدە تۇراقتى اسكەري بازا سالۋ تۋرالى كەلىسسوز جۇرگىزىپ جاتقانىن حابارلادى. الايدا، قىتاي مەن ۆانۋاتۋ ەلدەرى بۇل مالىمەتتى تەرىسكە شىعارعان. بۇل تۋرالى «VOA» اقپاراتتىق سايتى حابارلادى.

اۋستراليانىڭ Fairfax Media تاراتقان حاباردا، ۆانۋاتۋ ۇكىمەتى رەسمي ۇسىنىستى قابىلداماعانىمەن، قىتاي مەن ۆانۋاتۋ اراسىندا تۇراقتى اسكەري بازا ءىسى تۋرالى الدىن الا تالقىلاۋلار بولعان. اتالعان حاباردا، قىتايدىڭ اۋسترالياعا جاقىن جەردەن اسكەري بازا سالۋى مۇمكىن ەكەنى جايىندا ۋاشينگتون (ۆاشينگتون) مەن كانبەررا اراسىندا تالقى بولىپ وتكەن.

ۆانۋاتۋدىڭ ءسىم باسشىسى بۇل حاباردى تەرىسكە شىعاردى. ول سوزىندە: «ۆانۋاتۋ ۇكىمەتى قىتايمەن بۇل تاقىرىپتا ەشقانداي تالقى وتكىزگەن جوق. ۆانۋاتۋ بوسا ەشقانداي حالىقارالىق وداقتا جوق ەل. سوندىقتاندا، ءبىز ميليتاريزاتسيا مەن اسكەري بازانىڭ كەز-كەلگەن ءتۇرىن قۇرۋعا مۇددەلى ەمەسپىز»، – دەدى.

كەش وتكەن ءباسپاسوز كونفەرەنتسياسىندا قىتاي ءسىم وكىلى دە بۇل مالىمەتتى تەرىسكە شىعارىپ، «جالعان قاۋەسەت» دەپ باعالادى.

“The Qazaq Times”