ترامپ ءبىر كەشتە ەكى بىردەي لاۋازىمدى قىزمەتكەرىن جۇمىستان بوساتتى

اقش پرەزيدەنتى دونالد ترامپ, 30 قاڭتار كۇنى كەشتە، ەكى بىردەي جوعارى لاۋازىمدى قىزمەتكەردى ورنىنان الىپ تاستاعان. Global Times باسىلىمىنىڭ حابارىنا نەگىزدەلسەك، سول كۇنى اقش يمميگراتسيا جانە كەدەندىك قۇقىق ورگانىنىڭ اتقارۋشى ديرەكتورى دەنيەل راگستال مەن ادىلەت ءمينيسترى ساللي يەيتستى (SallyYates) لاۋازىمىنان الىپ تاستاعان. ساللي يەيتس وسىدان بۇرىن ترامپتىڭ يمميگرانتتاردى شەكتەۋ ساياساتىنا قارسى بولعان ەدى.

دۇيسەنبى كۇنى ادىلەت ءمينيسترىنىڭ ۋاقىتتىق باسشىسى ساللي يەيتس ترامپتىڭ جەتى ەل ازاماتتارىنىڭ اقش-قا كىرۋىن شەكتەۋ بۇيرىعىن ورىندامايتىنىن جاريالاپ ەدى. ول ادىلەت دەپارتامەنتىنىڭ زاڭگەرلەرىنە اقش پرەزيدەنتىنىڭ بۇل بۇيرىعى زاڭعا سايكەس كەلمەيتىنىن  ايتقان.

اقش مەملەكەتتىك حابار-بايلانىس كورپوراتسياسى (NBC) حابارىندا اقش يمميگراتسيا جانە كەدەندىك قۇقىق ورگانىنىڭ اتقارۋشىلىق قىزمەتىن دەنيەل راگستالدىڭ ورىنباسارى ۋاقىتشا اتقارىپ تۇرادى. اقۇي ساللي يەيتستى مىندەتىنەن بوساتقاننان كەيىن ۆيردجينيانىڭ شىعىس وكرۋگىنىڭ پروكۋرورى دانا بوەنتەگە اقش ادىلەت مينيسترلىگىنىڭ باسشىلىعى ۋاقىتشا تاپسىرىلدى.

بۇل ترامپتىڭ ءوز ساياساتىن تاباندى جالعاستىرام دەگەنى. ول ءۇشىن وزىنە كەدەرگى كەلتىرەتىن لاۋازىمدىلاردىڭ ءبارىن دە جولىنان ىسىرىپ تاستاماق. قارسىلىقتارعا قاراماستان ترامپ يسلام ەلدەرىنەن كەلەتىن بوسقىنداردى باتىل تەجەگەلى وتىر.

“The Qazaq Times”