تۇركيا ەلىنىڭ ۆيتسە-پرەمەر حاكان چاۆۋشوعلۋ وزبەكستان ۆيتسە-پرەمەرى جانە مەملەكەتتىك ينۆەستيتسيا كوميتەتىنىڭ باسشىسى سۋحروب حولمۋرادوۆتى قابىلدادى.

كەزدەسۋدە ەكى ەل اراسىندا كۇنەن كۇنگە نىعايىپ كەلە جاتقان قارىم-قاتىناستى اتاپ ايتقان چاۆۋشوعلۋ تۇرىك ىنتىماقتاستىق جانە كوورديناتسيا باسقارماسىنىڭ وزبەكستاندا جۇزەگە اسىرعان جوبالارىنىڭ ماڭىزدىلىعىنىڭ اسا زور ەكەنىن تاعى ءبىر رەت ەسكەرتتى.

حاكان چاۆۋشوعلۋ بۇدان كەيىن دە وزبەكستاننان كەلەتىن سۇرانىسقا وراي جاڭا جوبالار جۇرگىزۋدى ماقسات ەتكەندەرىن ايتتى. ول تۇركيادا كوپتەگەن وزبەك ستۋدەنتتىڭ وقىپ جۇرگەنىن جانە دە  وزبەك مەملەكەت قىزمەتكەرلەرىنە دە ماگيستراتۋرا ستيپەندياسىن بەرۋگە دايىن ەكەندەرىن جەتكىزدى.

ۆيتسە-پرەمەر حولمۋرادوۆ مىرزا، «پرەزيدەنت رەجەپ تايىپ ەردوعاننىڭ وسى ايدىڭ اياعىندا بولاتىن، وزبەكستان ساپارى ەكى ەل بايلانىستارىن تاريحي شىڭىنا جەتكىزەدى» دەدى.

تۇلپار جانىبەك

“The Qazaq Times”