اۋە شابۋىلىنان ءبىر ادام قازا بولدى. فوتو: Reuters.

پالەستينالىقتاردىڭ ءداستۇرلى «قايتا ورالۋ» شەرۋى يزرايل شەكاراسىنا جاقىن ماڭدا جالعاسۋدا. شەرۋگە مىڭداعان پالەستينالىقتار قاتىسۋدا. تۇركيا اقپارات قۇرالدارىنىڭ كەشە كەشكى حابارىندا يزرايل سوعىس ۇشاقتارىنىڭ گازا سەكتورىنا اۋە شابۋىلىن جاساعانى تۋرالى ايتىلدى.

«انادولى» اقپاراتتىق اگەنتتىگىنىڭ حابارىنا قاراعاندا، اۋە شابۋىلىنان 23 جاستاعى ءبىر پالەستينالىق ازامات قازا تاپقان. پالەستينا ۇيىمدارىنىڭ بەرگەن مالىمەتىندە يزرايل اۋە كۇشتەرى گازانىڭ شىعىس شەكاراسىن بومبالاعان.

بۇگىن «قايتا ورالۋ» شەرۋىنىڭ باستالعانىنا ءبىر اپتا ۋاقىت بولدى. مالىمەتتەرگە قاراعاندا وسىعان دەيىن 21 پالەستينالىق قازا تاپقان.

“The Qazaq Times”