ترامپ مەكسيكا شەكاراسىن بەكەمدەي تۇسپەك. فوتو: AL DÍA News.

قۇراما شتات پەن مەكسيكا اراسىنا قورعان سالدىرماق بولعان پرەزيدەنت ترامپ، ەندى ەكى ەل شەكاراسىنا قارۋلى اسكەر ورنالاستىراتىنىن مالىمدەدى. ونىڭ مالىمدەۋىنشە 4 مىڭنان استام قارۋلى جاساق اقش پەن مەكسيكا شەكاراسىنا قورعان قۇرىلىسى اياقتالعانعا دەيىن مىندەت وتەيدى. بۇل تۋرالى «شينلاڭ» اقپاراتتىق سايتى حابارلادى.

پرەزيدەنتتىڭ بۇيرىعىنان كەيىن پەنتاگون جوسپاردى ورىنداۋعا بىردەن كىرىسكەن. ەكى ەل اراسىنداعى شەكارانى بەكىتۋ ترامپتىڭ پرەزيدەنت سايلاۋى كەزىندە امەريكالىقتارعا بەرگەن ەلەۋلى ۋادەسىنىڭ ءبىرى. ول مەكسيكا شەكاراسى اقش-قا زاڭسىز كىرەتىن ميگرانتتاردىڭ نەگىزگى جولى. وسى شەكارانى بەكىتۋ ارقىلى امەريكا قۇراما شتاتتارىنا زاڭسىز كىرەتىن كەلىمسەكتەردەن تازارتاتىنىن ايتقان. ترامپ بۇل ۋادەسىن ورىنداۋعا پرەزيدەنت قىزمەتىنىڭ العاشقى اپتاسىندا-اق كىرىسكەن ەدى.

مەكسيكا تارابى بۇعان نارازىلىق بىلدىرۋدە. مەكسيكا پرەزيدەنتى بۇل تۋرالى سوزىندە: «ءبىز كەزدەسۋگە دايىنبىز، بىراق ءبىر-بىرىمىزگە دەگەن قۇرمەت نەگىزىندە عانا. پرەزيدەنت ترامپ اقش-تىڭ ىشكى پروبلەماسىن بىزدەن كورىپ وتىر. قۇراما شتاتتىڭ ىشكى پروبلەماسىن جونگە سالۋدا بىزگە كەدەرگى كەلتىرمەۋى كەرەك»، – دەدى.

“The Qazaq Times”