يزرايل بوسقىنداردى قابىلداۋدان اينىپ قالدى

يزرايل پرەمەر-ءمينيسترى بينيامين نەتانياحۋ بۇۇ جوعارى كوميسسياسىمەن جاساسقان كەلىسىمشارتتى ارادان بىرنەشە ساعات وتپەي-اق بۇزعانىن جاريالادى.

 اتالعان كەلىسىمشارت بويىنشا، يزرايل 16 مىڭ بوسقىندى قابىلداپ الۋى كەرەك بولاتىن. بۇۇ-نىڭ بوسقىندار ءىسى جونىندەگى جوعارى كوميسسارى باسقارماسىمەن جاساسقان كەلىسىمشارت ءۇشىن اۋىر سىنعا قالعان يزرايل پرەمەر-ءمينيسترى نەتانياحۋ، تەل-ءاۆيۆتىڭ وڭتۇستىگىندەگى وتانداستارىنىڭ ءسوزىن تىڭداعانىن، ولارمەن جانە ىشكى ىستەر مينيسترلىگىمەن كەزدەسكەننەن كەيىن اتالعان كەلىسىمشارتتى قايتادان قاراۋعا الاتىنىن مالىمدەدى.

كەلىسىمشارتقا سايكەس، يزرايلدەگى 16 مىڭ 250 شاقتى افريكالىق بوسقىننىڭ كانادا، گەرمانيا نەمەسە يتاليا سىندى دامىعان ەلدەرگە جىبەرىلەتىنى، وسىنىڭ ورنىنا ءيزرايلدىڭ افريكادان كەلەتىن جاڭا بوسقىنداردى قابىلداۋى كەرەك ەدى. تاعى دا وزگە مالىمەتتەر بويىنشا، اقش پەن شۆەيتسيانىڭ دا وسى بوسقىنداردىڭ ءبىر بولىگىن قابىلدايتىنى بەلگىلى بولدى.

“The Qazaq Times”