ليۆيانىڭ بۇرىنعى باسشىسى مۋاممار قاددافيدىڭ رەسمي اۋدارماشىسى مەفتاھ ءابداللاھ ميسسۋري قاددافيدىڭ جومارتتىعىن تەك فرانتسيانىڭ بۇرىنعى پرەزيدەنتى ساركوزيدىڭ عانا پايدالانباعانى، مىسىر مەن ءتۋنيستىڭ بۇرىنعى باسشىلارىنىڭ دا ودان كومەك سۇراعانى جايىندا مالىمەتتەردى تاراتقان. بۇل "Sputnik News اقپارات اگەنتتىگى حابارلادى.
اتالعان اقپارات اگەنتتىگىنە سۇحبات بەرگەن ميسسۋري: "كەزىندە قاددافيدەن مۇباراك (مىسىردىڭ بۇرىنعى باسشىسى حۋسني) پەن بين ءالي ء(تۋنيستىڭ بۇرىنعى پرەزيدەنتى زەينەل ابيدين) دە كومەك سۇراعان ەدى. ول ازيادان باستاپ لاتىن امەريكاسىنا دەيىن، بارلىق ء"ۇشىنشى الەم" ەلدەرىنە كومەك كورسەتەتىن. مىسالى، فرانتسيانىڭ سىرتقى ىستەر مينيسترلىگىنىڭ بيۋدجەتى 1 ملرد. 700 ملن. ەدى. بۇل قارجىنىڭ 780 ملن.-ى ونىڭ وزگە ەلدەرمەن قارىم-قاتىناسىن دامىتۋ ءۇشىن جانە ولارعا كومەك كورسەتۋ ءۇشىن ءبولىندى. ال ليۆيادا مۇنداي ماقساتتار ءۇشىن ەشقاشان الدىن الا قارجى بەكىتىلمەدى. ءبىز تابيعات اپاتتارىنان، اشارشىلىقتان زارداپ شەگۋشىلەردىڭ بارىنە كومەك كورسەتتىك. ولارعا ءدارى-دارمەك، ۇشاق جىبەرەتىنبىز. بىزدەن كومەك سۇراعان قانداي دا ءبىر ەل باسشىسىنا جارتى ميلليون مەن 5 ميلليون دينار ارالىعىندا كومەك بەرىلەتىن" ، - دەدى. سونداي-اق، قاددافيدىڭ ساركوزيدىڭ سايلاۋ ناۋقانىن جەكە ءوزى قارجىلاندىرعانىنىڭ راس ەكەنىن ايتقان ميسسۋري، تومەندەگى سىندى بىرقاتار ساۋالدارعا جاۋاپ بەردى:
"20 ملن ەۋرو بەردى"
ساركوزيدىڭ سايلاۋ ناۋقانىنا قاتىستى كەزدەسۋلەردەن بولەك، قاددافيدىڭ بارلىق ماڭىزدى كەزدەسۋلەرىنە اۋدارماشى رەتىندە قاتىسقانىن ايتقان ميسسۋري، "ليۆيا بيلىگى فرانتسياعا 50 ملن. ەۋرو ۇسىندى، الايدا 20 ملن. ەۋرو جەتكىلىكتى بولدى" ، - دەدى.
"مىسىر مەن تۋنيس پرەزيدەنتتەرى كومەك سۇرادى"
"مۋاممار قاددافيدەن تاعى كىمدەر كومەك سۇراعان؟" ، - دەگەن ساۋالعا ميسسۋري: "مىسىر مەن تۋنيس پرەزيدەنتتەرى. ولار بيلىك باسىنان قاددافيدەن بۇرىن كەتتى. سوندىقتان، ول قينالعان كەزدە ەشقانداي كومەك كورسەتە المادى. افريكا ەلدەرى ليۆيادا 2011 جىلدىڭ 11 اقپان ايىندا باستالعان ەرەۋىلدەردى اۋىزدىقتاۋعا تىرىستى، الايدا ءساتسىز بولدى. قاددافيگە وڭتۇستىك افريكا رەسپۋبليكاسى، ۆەنەسۋەلا جانە بەلارۋس كومەك قولىن سوزدى، الايدا ول وتانىن تاستاپ كەتكىسى كەلمەدى" ، - دەدى.
"قاددافيدىڭ اقشالارى قايدا؟"
ميسسۋري بۇل ساۋالعا: "مۋاممار قاددافي قازا تاپقاننان كەيىن وعان تيەسىلى ەشقانداي دۇنيە تابىلمادى. ونىڭ اتىنداعى ۇيلەردىڭ بارلىعى رەسمي تۇردە ليۆيا جيناق قورلار مينيسترلىگىنە جانە بالالارعا اۋدارىلدى. ال قولما-قول اقشا ونسىز دا جوق ەدى. قاتەلەسپەسەم، شەتەل باكتەرىندە قاددافيدىڭ اتىنا اشىلعان ەسەپشوت جوق. مۇمكىن، بالالارىنىڭ اتىنا اشىلعان ەسەپشوتتار بار بولار، الايدا مەن ول جاعىن بىلمەيمىن. مەن مۋاممار قاددافي وتباسىنىڭ ەمەس، ونىڭ ءوزىنىڭ اۋدارماشىسى بولدىم ، - دەپ جاۋاپ بەردى."
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى