تۇركيا پرەزيدەنتى ەردوعان تۇركيا مەن ء"سۇريا دەموكراتيالىق كۇشتەرى" (SDF) اراسىندا ارااعايىندىق جاساعىسى كەلگەن فرانتسيا پرەزيدەنتى ەممانۋەل ماكرونعا قاتاڭ جاۋاپ قايتاردى، دەپ حابارلايدى "bbc.com"اقپارات اگەنتتىگىنىڭ تۇرىك رەداكتسياسى.

 "قاتقىلداۋ بولسا دا، كەرەكتى جاۋابىن بەردىم"

 ەردوعان: "فرانتسيانىڭ بۇل قىلىعى كوڭىل-كۇيىمىزدى بۇزدى. وتكەن اپتادا ماكرونمەن سويلەستىم. ءوزى، اقىلعا قونبايتىن نارسەلەر ايتتى. تىم قاتالداۋ بولسا دا، قاجەتتى جاۋابىن بەردىم. ءبىزدى تەرروريستەرگە قاتىستى قابىلداي المايتىن شەشىمگە ماجبۇرلەۋگە ەشكىمنىڭ قاقى جوق. ەگەر فرانتسيانىڭ بۇل قادامى راس بولسا، وندا تىم شەكتەن شىققان ەكەن. ساعان مۇنداي مىندەتتى كىم بەردى؟ ءبىز ارااعايىندىققا مۇقتاج ەمەسپىز" ، - دەپ، فرانتسيا پرەزيدەنتىنىڭ ۇسىنىسىنا قاتاڭ جاۋاپ قايتاردى.

وسىدان بۇرىن دا حابارلاعانىمىزداي، فرانتسيا پرەزيدەنتى ە.ماكرون مانبيدجدە باقىلاۋ ورناتۋ ماقساتىندا اسكەري قيمىل باستاۋعا دايىندالىپ جاتقان تۇرىك كۇشتەرىنىڭ شابۋىلىنىڭ الدىن الۋ ماقساتىندا ء"سۇريا دەموكراتيالىق كۇشتەرى" (SDF) مەن تۇركيا اراسىندا ارااعايىندىق جاساماقشى بولعان ەدى.

“The Qazaq Times”