ءيزرايلدىڭ باس شتاب گەنەرالى گادي ايزەنكوت، ءيزرايلدىڭ ءسۇريادا قايتادان شابۋىلعا كوشكەندىگىن حابارلادى. ول "The Jerusalem Post" باسىلىمىنا بەرگەن سۇحباتىندا وتكەن ايدا ءيزرايلدىڭ ءبىر ۇشاعى اتىپ تۇسىرىلگەننەن كەيىن ءسۇريا ايماعىنا قايتادان شابۋىل جاساۋعا كىرىسكەندەرىن ايتقان. بۇل تۋرالى "kamuoyu.org" حابارلادى.
ايزەنكوت، اسىرەسە يراننىڭ گولان تاۋلارى ارقىلى يزرايل شەكاراسىنا جاقىنداي الماي وتىرعاندىعىن، ليۆان شيتتىك ۇيىمى حيزبۋللاحتىڭ دا يزرايلدەگى بەلگىلى ءبىر نىساندارعا شابۋىل جاساۋ ءۇشىن جەتكىلىكتى دەڭگەيدە زىمىران كۇشىنە يە ەمەستىگىن تىلگە تيەك ەتتى. يزرايل اسكەرى وتكەن ايدا سۇريداعى "يران نىساندارىنا" شابۋىل جاساعان رەاكتيۆتى ۇشاقتارىنا وق جاۋدىرىلعانىن جانە دە ءبىر " F-16" ۇلگىدەگى ۇشاعىنىڭ اتىپ تۇسىرىلگەنىن ءالى ۇمىتا قويماعاندارىن ايتىپ، جۇما كۇنى شەكارا ماڭىندا وتكىزىلەتىن ەرەۋىلدە پالەستينالىقتار يزرايل ينفراقۇرىلىمىنا شابۋىل جاساعان جاعدايدا اسكەرىنە وق جاۋدىرۋعا رۇقسات تا بەرەتىنىن جاريالادى. ايتا كەتۋ كەرەك، پالەستينالىق توپتار 30 ناۋرىز، جەردى قورعاۋ كۇنىندە گازا سەكتورى-يزرايل شەكاراسىندا "ەلگە ورالۋ ەرەۋىلى" ۇيىمداستىرۋدى جوسپارلاۋدا. پالەستينالىق كوپتەگەن ۇيىمدار 1948 جىلى وتاندارىن تاستاپ كەتۋگە ءماجبۇر بولعانداردىڭ "ەلگە ورالۋ" قۇقىقتارىن پايدالانا الۋلارى ءۇشىن ەرەۋىل ۇيىمداستىرماقشى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن