نەمىس باسپاسوزىندە تاراتىلعان حابارلارعا قاراعاندا، تۇرىك اسكەرىنىڭ افرينگە كىرۋىنە بايلانىستى ءسۇريادان گەرمانياعا قاراي كۇرد جۇمىسشىلار پارتياسىنىڭ (PKK) تەرروريستەرى "ۇدەرە كوشكەن". بۇل گەرمانيا بيلىگىنىڭ الاڭداۋشىلىعىن وياتۋدا.

سولتۇستىك رەيىن ۆەستفاليانىڭ ەڭ كوپ تارالىممەن شىعاتىن "Express" باسىلىمىندا جارىق كورگەن حابارعا سۇيەنسەك، "PKK" تەررورلىق ۇيىمى سوعىسقا قاتىستىرۋ ماقساتىندا 300 ادامدى ءوز قاتارىنا قوسىپ العان. جوعارىدا دا ايتىپ وتكەنىمىزدەي، اقپارات اگەنتتىكتەرىنىڭ جازۋىنشا، تۇرىك اسكەرى افرينگە كىرگەننەن كەيىن تەررورلىق ۇيىمنىڭ سوعىس تاجىريبەسى بار 125 مۇشەسى گەرمانياعا كەتكەن. گەرمانياداعى تۇرىك اسكەرىنىڭ قويماسىندا نەمىستىڭ "G3" اتىس قارۋى مەن "Leopard 2" تانكى دە بار كورىنەدى. گەرمانيا بيلىگى ۇيىم مۇشەلەرى وسىنى پايدالانىپ، شابۋىل جاسايدى دەپ الاڭدايدى.

سونىمەن قاتار، "PKK" جاقتاستارىنىڭ گەرمانياداعى تۇرىكتەرگە تيەسىلى عيماراتتار مەن ءدىني جاماعاتتارعا قارسى ۇيىمداستىرعان تەررورلىق شابۋىلداردىڭ كۇننەن-كۇنگە ارتىپ جاتقاندىعى جازىلعان "Express" باسىلىمىندا: "20 قاڭتاردا باستالعان اسكەري وپەراتسيادان ء("زايتۇن بۇتاعى") كەيىن گەرمانيانىڭ دا تىنىشتىعى بۇزىلدى. ولاردىڭ كوبىسى ەلدەگى تۇرىك نىساندارىنا باعىتتالدى. كەلن جانە ليۆەركۋزەندەگى 6 مەشىتكە دە شابۋىل جاسالدى" ، - دەلىنگەن.

“The Qazaq Times”