ساۋد ارابيا حانزاداسى مۇحاممەد يبن سالمان. فوتو: euronews.com

يران، كاتار جانە تۇركيا - "شايتاندار ۇشتىگى".  وسىلاي دەگەن ساۋد ارابيا حانزاداسى مۇحاممەد يبن سالماننىڭ مالىمدەمەسى داۋعا اينالدى. يران، كاتار جانە تۇركيا ەلدەرىن "شايتاندار ۇشتىگى" دەپ اتاعان سالمان اتالعان ەلدەردىڭ ارابتاردىڭ قاۋىپسىزدىگىنە كولەڭكە تۇسىرەتىن ساياسات جۇرگىزىپ وتىرعاندارىن ايتقان. ول مۇنىمەن دە توقتاماي، يراندى دا مازھابشىلىقتى جايۋدا دەپ كىنالاۋدا.

ونىڭ مۇنداي مالىمدەمە جاساۋىنا نە تۇرتكى بولعانىنا كوز جەتكىزۋگە تىرىسقان ساياساتكەرلەر، سالماننىڭ كاتارمەن اراداعى داعدارىسىن "تۇيمەدەيدى تۇيەدەي ەتىپ كورسەتكەنىن" جانە مۇنىڭ ءبىر كۇندە شەشىلەتىن ماسەلە ەمەس ەكەنىن ايتادى.

ساۋد ارابيا حانزاداسىنىڭ اسىرەسە "يران ءوزىنىڭ يدەولوگيلىق رەۆوليۋتسياسىن تاراتقىسى كەلەدى. ال رەجەپ تايىپ ەردوعان مۇسىلمانداردىڭ ارقاسىندا قايتادان حاليفالىقتى ورناتقىسى كەلەدى" دەگەن سوزدەرى الەمنىڭ كوپتەگەن تىلدەرىنە اۋدارىلىپ، اقپارات قۇرالدارى ارقىلى تالقىلانىپ، كەزەكتى ءبىر داۋدىڭ شەتىن شىعارۋدا. سونداي-اق، سالماننىڭ يراك پەن مىسىردىڭ سانا ايماعىنداعى توپتارىن ساناپ، تۇركيا مەن يرانعا "شايتاندار ۇشتىگى" دەپ كىنا ارتقانى ەشكىم كۇتپەگەن ءارى تۇسىنىكسىزدەۋ مالىمدەمە رەتىندە قاتتى تالقىلانىپ جاتىر. داۋلى مالىمدەمەنىڭ ارتى نەمەن بىتەتىنى ازىرگە ەشكىمگە بەلگىسىز. بىزگە قالعانى، ازىرگە ءالىپتىڭ ارتىن باعۋ عانا بولىپ تۇر...

“The Qazaq Times”