Saud Arabiya hanzadası Mwhammed Ibn Salman. Foto: euronews.com

Iran, Katar jäne Türkiya - "Şaytandar üştigi".  Osılay degen Saud Arabiya hanzadası Mwhammed Ibn Salmannıñ mälimdemesi dauğa aynaldı. Iran, Katar jäne Türkiya elderin "şaytandar üştigi" dep atağan Salman atalğan elderdiñ arabtardıñ qauipsizdigine köleñke tüsiretin sayasat jürgizip otırğandarın aytqan. Ol mwnımen de toqtamay, Irandı da mäzhabşılıqtı jayuda dep kinälauda.

Onıñ mwnday mälimdeme jasauına ne türtki bolğanına köz jetkizuge tırısqan sayasatkerler, Salmannıñ Katarmen aradağı dağdarısın "tüymedeydi tüyedey etip körsetkenin" jäne mwnıñ bir künde şeşiletin mäsele emes ekenin aytadı.

Saud Arabiya hanzadasınıñ äsirese "Iran öziniñ ideologilıq revolyuciyasın taratqısı keledi. Al Rejep Tayıp Erdoğan mwsılmandardıñ arqasında qaytadan halifalıqtı ornatqısı keledi" degen sözderi älemniñ köptegen tilderine audarılıp, aqparat qwraldarı arqılı talqılanıp, kezekti bir daudıñ şetin şığaruda. Sonday-aq, Salmannıñ Irak pen Mısırdıñ Sana aymağındağı toptarın sanap, Türkiya men Iranğa "şaytandar üştigi" dep kinä artqanı eşkim kütpegen äri tüsiniksizdeu mälimdeme retinde qattı talqılanıp jatır. Daulı mälimdemeniñ artı nemen bitetini äzirge eşkimge belgisiz. Bizge qalğanı, äzirge äliptiñ artın bağu ğana bolıp twr...

“The Qazaq Times”