نەمىس ەكولوگتارى ديزەلمەن جۇرەتىن اۆتوكولىكتەرگە تىيىم سالۋ شەشىمىن  قۇپتايدى، - دەپ حابارلايدى Euronews اقپارات اگەنتتىگى. 

شتۋتگارت پەن ديۋسسەلدورف اكىمشىلىگى ەدəۋىر لاستانعان اۋماقتاردا ەسكىرگەن كولىك قۇرالدارىنىڭ جۇرۋىنە تىيىم سالدى. گەرمانيانىڭ قورشاعان ورتانى قورعاۋ جونىندەگى ۇيىمى (DUH) بۇل  ەۋروپاداعى باسقا مەملەكەتتەردى دە ۇقساس شارالارعا يتەرمەلەۋى مۇمكىن دەگەن ويدا.

«گەرمانيادا تاماشا كۇن بولدى، ءبىز قالا تۇرعىندارىنىڭ تازا اۋامەن دەمالۋ قۇقىعى ءۇشىن كۇرەسكەن بولاتىنبىز. فەدەرالدىق اكىمشىلىك سوت بىزبەن بارلىق تارماقتاردا كەلىستى، ديزەلدىك اۆتوكولىكتەرگە تىيىم سالۋ زاڭدى بولىپ تابىلادى»، - دەپ مالىمدەدى دەيدى DUH كومپانياسىنىڭ باسقارۋشى ديرەكتورى يۋرگەن رەش (Juergen Resch).

قاۋىپتى ازوت وكسيدىنىڭ (NOx) ەۋروپالىق وداق ەلدەرى ءۇشىن  رۇقسات ەتىلگەن كولەمىنەن نەمىس قالالارىنىڭ 70-تەن استامى اسىپ كەتكەن. سول سەبەپتى «گرينپيس» كومپانياسىنىڭ وكىلى نيكلاس شينەرل (Niklas Schinerl) : «بۇل ءبىز ءۇشىن ۇلكەن جەڭىس. سەبەبى وسىنداي ۇيىمدار مەن قوعامداستىقتار ادامداردىڭ دەنساۋلىعىن قورعاۋعا مۇمكىندىك بەرەدى. ال ديزەلمەن جۇرەتىن كولىكتەرگە تىيىم سالۋ - قالاداعى ادامداردىڭ دەنساۋلىعىن قورعاۋعا ۇمتىلۋ»، - دەيدى.

بۇل شەشىم نەمىس جولدارىنداعى ميلليونداعان اۆتوكولىكتەردىڭ باعاسىنا اسەر ەتۋى مۇمكىن، بىراق ۇكىمەت ەشتەڭە وزگەرتپەيتىنىن مالىمدەدى.

“The Qazaq Times”