Airbus اۋە كونتسەرنى اۋە تاكسيىن تەكسەرىستەن وتكىزدى. ۇشقىش تاكسي قاڭتار ايىنىڭ سوڭىندا اقش-تىڭ ورەگون شتاتىندا سىناقتان وتكەن. كومپانيا كولىكتىڭ ۇشۋى قالاي بولعانى تۋرالى ۆيدەونى جاريالادى.

Vahana جوباسىن جاساعاندار بۇل تاكسي ءپروتوتيپىن Alpha One دەپ اتاعان. ۇشقىش كولىككە ءتورت بىردەي موتور مەن الدىڭعى جانە ارتقى قاناتتار ورنالاستىرىلعان. قۇرىلعىنىڭ قۋاتى 5 مىڭ مەتردەن استام بيىكتىككە كوتەرىلۋگە مۇمكىندىك بەرەدى، الايدا ەڭ جوعارى جىلدامدىق ازىرگە بەلگىسىز.

جوعارىدا كورسەتىلگەن ۆيدەودا اۋە تاكسيىنىڭ قالاي قونعانى بەينەلەنگەن. N + 1 پورتالىنىڭ مالىمەتىنشە، Vahana-نىڭ بىرىنشى رەت ۇشۋ ۋاقىتى ءبىر مينۋتقا سوزىلىپ، ماكسيمالدى بيىكتىككە كوتەرىلگەن، 53 سەكۋند ىشىندە كوككە كوتەرىلىپ، بىرتىندەپ قونعان.

مالىمەتتەرگە قاراعاندا اۋە تاكسيدىڭ ءبىر جولاۋشىنى نەمەسە جۇكتى تاسىمالداي الاتىن مۇمكىندىگى بار. ال مۇنداي كولىك ءتۇرىن جاساپ شىعۋ كولىك كەپتەلىسى ماسەلەسىن شەشۋگە كومەكتەسەدى. اتالعان كولىكتىڭ قىزمەتى الداعى بەس جىل ىشىندە بىرىككەن اراب امىرلىكتەرىندە پايدا بولادى.

“The Qazaq Times”