فوتو: bbc.com

ۇزدىك تەننيسشىلەر تىزىمىندە وسىدان 14 جىل بۇرىن العاش رەت 1-ورىنعا تۇراقتاعان رودجەر فەدەرەر قازىرگى تاڭدا تەننيس تاريحىنداعى جاسى ەڭ ۇلكەن №1  ويىنشى، - دەپ حابارلايدى BBC اقپارات اگەنتتىگى.

فەدەرەر "ۇلكەن شلەمدى" 8 مارتە جەڭگەن 33 جاستاعى اندرە اگاسسيدى باسىپ وزدى.

"جاسىڭ ۇلعايعان سايىن باسقالارىنا قاراعاندا ەكى ەسە كوبىرەك جۇمىس ىستەۋ كەرەك. وسى جەرگە جەتۋ ءۇشىن سونشا ەڭبەكتەنگەن ادامدى جەڭۋ ءۇشىن ودان نەشە ەسە كوپ جاتتىعۋىم كەرەك ەكەنىن ەلەستەتە بەرىڭىز. الەمنىڭ №1  تەننيس ويىنشىسى بولۋ - مەن ءۇشىن ۇلكەن جەتىستىك. كورتقا العاش 1998 جىلى شىققانىمدى ەسكەرسەك، بۇل ءبىر قىزىق ساياحات بولدى" ، - دەيدى رودجەر.

نيدەرلاندىداعى جارتىلاي فينالدا وزىنە سەنىمدى كورىنگەنگىمەن، فەدەرەر العاشقى ساتتە جەڭىلىپ قالدى. بىراق يتاليالىق اندرەاس سەپپي مەن رەسەيلىك دانيل مەدۆەدەۆپەن وتكەن كەلەسى ەكى ويىندا ءوزىن قولعا الىپ جەڭىسكە جەتتى.

ماتچ سوڭىندا "ۇلكەن شلەمدى" 20 مارتە جەڭگەن چەمپيون كورتقا ورالىپ، حالىقتىڭ قوشەمەتىنە بولەنگەنگە دەيىن وتىردى دا، كوز جاسىن ءسۇرتىپ الدى.

2004 جىلدىڭ اقپان ايىندا فەدەرەر العاشقى رەت تەنيسشىلەر تىزىمىندە ءبىرىنشى ورىندا تۇردى، بىراق 2012 جىلدىڭ قازانىنان باستاپ تومەندەپ، 2017 جىلدىڭ قاڭتارىندا 17-ورىنعا ءتۇسىپ كەتتى.

تىزەسىنە جاسالعان وپەراتسيادان كەيىن 6 اي ەمدەلۋدىڭ ناتيجەسى وسىلايشا ونى 17-ورىننان ءبىر-اق شىعاردى.

دەگەنمەن، وتكەن جىلى ۋيمبلدونداعى جەڭىس، ەكى مارتە Australian Open-دى جەڭگەنىن قوسقاندا سول كەزدەن بەرى ول جالپى 8 ماراپاتقا يە بولدى.

ۇلكەن شلەمنىڭ 6 مارتە يەگەرى ستەفان ەدبەرگ (Stefan Edberg): "فەدەرەردىڭ كورتتاعى قيمىل-قوزعالىسى، ونىڭ ويناۋ ءتاسىلى - بارلىعى ەرەكشە. وسىنشا جاسقا كەلىپ الەمنىڭ ءنومىرى ءبىرىنشى تەننيسشىسى بولا الاتىن رودجەر عانا دەپ ويلايمىن. بولاشاقتا سوعان ۇقسايتىن بىرەۋ پايدا بولاتىن شىعار، كىم بىلەدى. بىراق رودجەردىڭ ەڭبەگىن اتاپ وتپەۋ مۇمكىن ەمەس. ەندى ول ەمىن-ەركىن جاي بونۋس رەتىندە ويناپ جۇرە بەرسە دە بولادى. ءوز-ءوزىن كۇتسە ۋيمبلدوندى تاعى جەڭۋى دە عاجاپ ەمەس", - دەگەن بولاتىن.

“The Qazaq Times”