"كولىك ەلى" سانالاتىن گەرمانيا كولىك كەپتەلىسىن ازايتۋ، ەو-نىڭ اۋانى لاستاماۋعا بايلانىستى شارتتارىن ورىنداۋ جانە ايىپپۇل تولەمەۋ ءۇشىن قوعامدىق كولىكتەردە حالىققا تەگىن جۇرۋگە رۇقسات بەرۋ سياقتى راديكالدى شاراعا بارىپ وتىر، - دەپ حابارلايدى The Guardian اقپارات اگەنتتىگى.
قورشاعان ورتانى قورعاۋ ءمينيسترى باربارا حەندريكس (Barbara Hendricks) جانە تاعى ەكى مينيستر ەو-نىڭ قورشاعان ورتانىڭ قورعاۋ كوميسسيونەرى كارمەنۋ ۆيللاعا (Karmenu Vella) جازعان حاتىندا "جەكە كولىكتەردىڭ سانىن قىسقارتۋ ءۇشىن قوعامدىق كولىكتەردە ءجۇرۋدى تەگىن ەتەمىز" دەگەن بولاتىن.
بۇل جوبا وسى جىلدىڭ سوڭىندا گەرمانيانىڭ 5 قالاسىندا (بۇرىنعى استاناسى بونن، يندۋستريالدى قالالار ەسسەن مەن مانحەيمدى قوسقاندا) جۇزەگە اسادى.
سەيسەنبى كۇنى تالقىلانعان تەگىن ءجۇرۋ ۇسىنىسىنان باسقا جينالىستا اۆتوپارك، اۆتوبۋس جانە تاكسيلەردىڭ اۋاعا شىعاراتىن لاس زاتتارىن شەكتەۋ، كولىكتى بىرىگىپ پايدالانۋ سحەماسىن ويلاستىرۋ سياقتى ۇسىنىستار دا ورتاعا تاستالدى.
يسپانيا، فرانتسيا جانە يتاليانى قوسقاندا ەو-نىڭ گەرمانيادان باسقا 8 مۇشەسى ەو-نىڭ اۋاعا بولىنەتىن ازوت ديوكسيدى مەن ونىڭ بولىكتەرىن شەكتەۋگە قاتىستى شارالاردى 30 قاڭتارعا دەيىن قابىلداۋ كەرەك بولاتىن. بىراق اتالعان مەرزىمگە بۇل ەلدەر ناقتى شارالاردى جۇزەگە اسىرىپ ۇلگەرمەدى، سول سەبەپتى سوتتان شاقىرتۋ العىسى كەلمەسە، جاقىن ارادا مىندەتتى تۇردە ارەكەتكە كوشۋ كەرەك.
كوميسسيانىڭ مالىمەتىنشە، اۋانىڭ "ومىرگە قاۋىپ توندىرەتىندەي" لاستانۋى ەۋروپانىڭ 130-دان استام قالاسىنداعى 400 مىڭنان استام ادامنىڭ ولىمىنە اكەلىپ، جىلىنا 20 ملن ەۋرو (24,7 ملن اقش دوللارى) شىعىندى قاجەت ەتەدى.
اۋانى لاستاماۋعا قاتىستى ەو تالاپتارىن ورىنداماعان ەلدەرگە ەۋروپا سوتىندا ءىس قوزعالىپ، ولار ۇلكەن كولەمدە ايىپپۇل تولەۋگە ءماجبۇر بولادى.
سوڭعى جىلدارى بەرليندەگى اۋانىڭ لاستانۋى ەڭ جوعارعى كورسەتكىشكە جەتتى.
2015 جىلى Volkswagen كومپانياسىنىڭ الەم بويىنشا 11 ملن اۆتوكولىكتى ءنورماتيۆتى سىناقتان وتكىزۋ كەزىندە اۋاعا شىعاراتىن زياندى زاتتارى تۋرالى كورسەتكىشتەردى دۇرىس كورسەتپەگەنى انىقتالعاننان كەيىن باسقا دا اۆتوكولىك وندىرۋشىلەرىنە قاتىستى كۇمان تۋدى. ەكولوگتار جەدەل دابىل قاعىپ، جۇرگىزۋشىلەرگە زيان كەلتىرۋى مۇمكىن دەگەن قاۋىپپەن قالانىڭ كەيبىر ايماقتارىندا ديزەلدى پايدالانۋعا تىيىم سالۋعا قاتىستى سوت ءىسىن قوزعادى. BMW, Mercedes-Benz, Daimler, Volkswagen سياقتى الپاۋىت كولىك شىعارۋشى كومپانيالار جەرگىلىكتى ترانسپورتتىڭ مودەرنيزاتسياسى ءۇشىن قورعا 250 ملن ەۋرو تولەۋگە كەلىستى.
Greenpeace ەسەبىنە سايكەس، كولىك فيرمالارى ەلەكترلى كولىكتەر، گيبريدتى مودەلدەردى شىعارۋدى قازىر قولعا الىپ جاتىر.
گەرمانيادا قوعامدىق كولىك جوعارى سۇرانىسقا يە. سوڭعى 20 جىل بويى كولىك پايدالانۋشىلارىنىڭ سانى بىرتە-بىرتە ۇلعايىپ كەلدى، ال 2017 جىلى 10,3 ملرد ادامدى قۇرادى.
باسقا ەۋروپالىق ەلدەرمەن سالىستىرعاندا گەرمانيادا قوعامدىق كولىكپەن ءجۇرۋ ارزان. مىسالى، بەرليندە ءبىر بيلەت 2,90 ەۋرو، ال لوندونداعى مەترو بيلەتى 4,90 فۋنت (5,50 ەۋرو نەمەسە 6,80 اقش دوللارى) تۇرادى.
بونن قالاسىنىڭ اكىمى اشوك شريدحاران (Ashok Sridharan): "قوعامدىق كولىكتە ءجۇرۋدى تەگىن قىلعاننان كەيىن ەو تالاپتارىنا ساي كەلەتىن ەلەكترلى اۆتوبۋستارعا بىردەن وسەتىن سۇرانىستى تولىقتاي قاناعاتتاندىراتىن ءبىر دە ءبىر كولىك ءوندىرۋشىسىن كورە الماي وتىرمىن", - دەدى.
الەمنىڭ باسقا ەلدەرىندە دە قوعامدىق كولىكتەردى تەگىن ەتۋ يدەياسى ۇسىنىلدى، بىراق ەشقايسىسى ناقتى جۇزەگە اسپادى (امەريكالىق سيەتلدا دا).
ازىرگە ءبىر جايت قانا بەلگىلى: ۆاگونداردىڭ سانىن، پەرسونال سانىن، جولدار مەن مەترو تىزبەكتەرىن كوبەيتۋ كەرەك. ال ونىڭ بارلىعىنا قاراجات جەتە ما ەكەن؟
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟