يتاليا پوليتسەيلەرى جالپى قۇنى 41 ملن ەۋرو بولاتىن 50 جانە 100 ەۋرولىق جالعان بانكنوتالاردى تاركىلەدى، - دەپ حابارلايدى Euronews اقپارات اگەنتتىگى.

تابىلعان جالعان اقشانى ساناۋعا پوليتسەيلەردىڭ 5 ساعات ۋاقىتى كەتتى. بانكنوتالار 90 پاكەتكە ورالىپ، پلاستيك بوشكەلەرگە جاسىرىلعان.

بوشكەلەر ناپل (Naples) قالاسىنداعى 67 جاستاعى ەر ادامنىڭ ۇيىنەن تابىلعان. اتالعان ەر ادامنىڭ، جەرگىلىكتى پوليتسەي قىزمەتكەرلەرىنىڭ مالىمەتىنشە، بۇرىن وسىعان ۇقساس قىلمىستىق ىستەرگە قاتىسى بار بولعان.

ەر ازامات قاماۋعا الىنىپ، جالعان اقشا يتاليانىڭ ورتالىق بانكىنە جىبەرىلدى.

“The Qazaq Times”