فوتو: ۆۆس

ەكى اپتا بۇرىن ءسۇريانىڭ سولتۇستىگىندەگى كۇرد اسكەرىنە قارسى شابۋىل جاساعان تۇركيا ەڭ كوپ ادام شىعىنىنا ۇشىرادى. ء"زايتۇن بۇتاعى" دەپ اتالاتىن وپەراتسيانىڭ 16-كۇنىندە تۇرىكتىڭ 7 ساربازى كۇرد اسكەرىنىڭ قولىنان قازا تاپتى، دەپ حابارلايدى Euronews اقپارات اگەنتتىگى.

تۇرىك تانكىنە جاسالعان شابۋىل كەزىندە 5 ادام مەرت بولسا، قالعان ەكەۋى باسقا جەردە قازا تاپقان.

تۇركيا اسكەرى افرين قالاسىن كوزدەپ، يراكتىڭ شەكاراسىنان شىعىسقا قاراي قوزعالۋعا بەل بۋعان كەزدەن باستاپ ءسۇريانىڭ سولتۇستىگىندەگى شايقاس ءورشىپ كەتتى.

تۇركيانىڭ شەكاراداعى قالالارى - رەيحانلي مەن كيليستەگى بوسقىندار لاگەرىن مىڭداعان سۇريالىقتار  ۋاقىتشا باسپانا ەتىپ وتىرعانىنا قاراماستان، وسى وپەراتسيالار باستالعالى بەرى سوندا ونداعان زىمىران تاستالدى.

بوسقىنداردىڭ ءبىرى: "سۇرياعا بومبا تاستالعاننان كەيىن تۇركياعا قاشىپ كەلىپ، مىندا دا وق استىندا قالدىم. ۇيىمە جەتۋ قاۋىپسىز بولعانعا دەيىن وسى كيليستە بولا تۇرامىن، - دەيدى.

بومبالار، سونىمەن قاتار، دجاندارايس سەكىلدى اۋىل ماڭايىنداعى قوعامدىق ورىندار مەن جەرگىلىكتى حالىقتىڭ باسپاناسىن دا قيراتتى.

وسى ۋاقىتتا پاريجدە تۇركيا كۇردتەرىن قولداپ، افرين قالاسىنا شابۋىل جاساعان ءتۇرىس اسكەرىن ايىپتاپ مىڭداعان ادام نارازىلىعىن ءبىلدىردى. كوتەرىلىسكە شىعۋشىلار فرانتسيا جانە وزگە دە باتىس بيلىك وكىلدەرىن بىرىگىپ، تۇركياعا قارسى شىعۋعا شاقىردى.