ۇلىبريتانيادا جينالىستان 1 مينۋتقا كەشىگىپ قالعان لورد ءارى مينيستر مايكل بەيتس ءوز ەركىمەن جۇمىستان كەتەتىندىگىن مالىمدەدى. بۇل تۋرالى BBC حابارلايدى.

لوردتار پالاتاسىنىڭ وكىلى، مينيستر مايكل بەيتس جينالىس تاقىرىبىنىڭ باستى مازمۇنىن تۇسىنبەي قالعان. ول سول ارادا پرەمەر-مينيسترگە قىزمەتىن ءوز ەركىمەن تاپسىرىپ بەرەتىنىن مالىمدەدى. مايكل بەيتس سوزىندە: «ءبىز ءبىر-ءبىرىمىزدى قۇرمەتتەۋدىڭ ەڭ جوعارى ۇلگىسىن كورسەتۋىمىز كەرەك دەپ سانايمىن. سوندىقتان مەن پرەمەر-مينيسترگە قىزمەتىمدى تاپسىرىپ بەرەمىن جانە كەشىرىم سۇرايمىن»، – دەدى.

دەگەنمەن، تەرەزا مەي لورد بەيتستىڭ بۇل ءوتىنىشىن قابىلداعان جوق.  

ەۋروپا مەن ءبىزدىڭ ەڭ باستى ايىرماشىلىعىمىزدىڭ  ءبىرى ۋاقىتقا دەگەن كوزقاراسىمىزدا ەكەنىن انىق بىلەمىز. لاتىن امەريكاسى مەن ازياداعى كەيبىر حالىقتاردا كوبىندە ۋادەلى ۋاقىتتا كەشىگەتىن ادەت بار. بۇل ءتىپتى مەنتاليتەتكە اينالىپ كەتكەن. ءبىز ءۇشىن ءبىر مينۋت لەزدىك ۋاقىت سەزىلەدى. الايدا، 1 مينۋتتا ءۇندىستاندا 50 بالا دۇنيە ەسىگىن اشادى، ال الەمدە 260 ءسابي دۇنيەگە كەلىپ، 106 ادام ولەدى. جەر بەتىندە 5 رەت سىلكىنىسى بولادى.

“The Qazaq Times”