Ant Financial – Alibaba قۇرامىنداعى ەلەكتروندى، كوممەرتسيالىق الىپتارىنىڭ ءبىرى، امەريكالىق  MoneyGram-دى $880 ميلليون اقش دوللارىنا ساتىپ الدى. بۇل تۋرالى bbc.com حابارلايدى.

MoneyGram قۇرامىندا 200 ەلگە تارالعان، 350 000 ساۋدا دۇكەنى بار. ال، Ant Financial-دىڭ 630 ميلليوننان استام تۇتىنۋشىلار بار. قىتاي قازىرگى ۋاقىتتا اقش-تىڭ شەتەلدىك ينۆەستيتسيا جونىندەگى كوميتەتىنىڭ نورماتيۆتىك بەكىتۋىن عانا كۇتۋدە.

ەريك جينگ (Eric Jing) –  Ant Financial كومپانياسىنىڭ لاۋازىمدى تۇلعاسى، ەكى كومپانيانىڭ بىرىگۋى جايلى مالىمدەمەسىندە بىلاي دەيدى: «بارلىعى دا بارىنشا قولجەتىمدى، قاۋىپسىز جانە قاراپايىم بولۋى كەرەك. سەبەبى، اقش، قىتاي، ءۇندىستان، مەكسيكا مەن فيليپپين سياقتى ۇلكەن ەلدەر ءۇشىن قولايلى بولۋى كەرەك».

Ant Financial كومپانياسىنىڭ قىتايدا ونلاين تولەمدەر ارقىلى جۇزەگە اساتىن نارىق ۇلەسى بار. MoneyGram-دى يەمدەنۋى كومپانيانىڭ ءوز ءرولىن ارتتىرۋعا،  شەت ەلدەردە كەڭەيتۋگە ۇلكەن سەپتىگىن تيگىزبەك. اقش-تاعى اليبابانىڭ Ant Financial دۇكەندەرى ۇلكەن ەكونوميكالىق كومپانيالارمەن  بايلانىس ورناتقان.

وقىرمانداردىڭ نازارىنا Alibaba دەگەن كومپانيا تۋرالى قىسقا اقپارات ۇسىنامىز:

Alibaba Group  – 1999 جىلدان بەرى قىزمەت كورسەتىپ كەلە جاتقان (alibaba.com) قىتايداعى ۇلكەن قوعامدىق كورپاراتسيا. دۇنيەجۇزى بويىنشا تانىمال كومپانيانىڭ قۇرامىنا Alibaba Pictures, ينتەرنەت-دۇكەن AliExpress.com, Taobao.com اۋكتسيونى، Alibaba Cloud Computing جانە Alipay اتالاتىن  ەلەكتروندى تولەمدەر جاسايتىن ونلاين پلاتفورمالارى بار. قازىرگى ۋاقىتتا تەك سوڭعى Alipay عانا بولەك بيزنەسكە اينالدىرىلعان.

سونىڭ ىشىندە، وقىرمانعا كەڭىنەن تانىلعان اليەكسپرەەس دەا اتالاتىن سايت. بۇل سايت بۇگىنگى تاڭدا الەمنىڭ تۇكپىر-تۇكپىرىنە قىتاي تاۋارلارىن جىبەرىپ وتىرادى. ول ءۇشىن سايتقا كىرىپ، كەرەك دۇنيەلەرىڭىزدى (كيىم-كەشەك، ءۇي زاتتارى، ت.ب. ولاردىڭ مولشەرىن، سانىن، جەتكىزىپ سالۋ كۇنىن، اقشاي اينالىمىن ءوزىڭىز تاڭدايسىز) تاڭداپ الساڭىز بولعانى. وتاندىق «كيۆي-كوشەلەك» ارقىلى تولەم جاساعاننان كەيىن،  «ساتىپ الۋ»   پۋنكتىن باساسىز. تاۋار 20-30 كۇن ارالىعىندا ءوزىڭىز كورسەتكەن مەكەن-جايدىڭ «پوشتاسىنا» كەلىپ تۇسەدى.

دونالد ترامپ بيلىككە كەلمەس بۇرىن، باق وكىلدەرىنە امەريكاداعى «ءبىر قىتاي» ساياساتىن جالعاستىرۋ كەرەك پە دەگەن كۇماندى ويىن ايتقان. پرەزيدەنت ەندى قىتاي يمپورتىنا ايىپپۇل رەتىندە تاريفتەر ەنگىزەتىنىن حابارلاعان.

بىراق  Alibaba كومپانياسىنىڭ نەگىزىن قالۋشىسى جانە باسشىسى Jack Ma وتكەن جىلدىڭ جەلتوقسان ايىندا ترامپپەن كەزدەسىپ، كەلىسسوزدەر جۇرگىزگەن. پرەزيدەنت نيۋ يوركتەگى اليبابا كومپانياسىمەن ساۋدانى  دامىتىپ جاتقان ما مىرزامەن «جاقسى كەزدەسۋ» بولعاندىعىن ايتقان.  وتكەن جىلدىق قىركۇيەك ايىندا، اليبابا كومپانياسىنىڭ نيۋ-يوركتەگى ساۋدا جۇيەلەرى رەكوردتىق تابىسقا جەكەن: 25 ميلليارد اقش دوللارى.

ەگەر MoneyGram اكتسيالارىن ءساتتى ساتىپ الىپ جاتسا، بۇل – اليبابانىڭ اقش-تان العان ەكىنشى ۇلكەن اكتسياسى بولماق. سەبەبى، وتكەن جىلى  EyeVerify كومپانياسىنىڭ اكتسيالارىن 70 ميلليون اقش دوللارىنا ساتىپ العان.

"The Qazaq Times"