ترامپ جانە وباما. فوتو: CNN Money.

ترامپتىڭ مەملەكەت جاعدايى تۋرالى مالىمدەمە جاساۋىمەن ءبىر ۋاقىتتا، اق ءۇي پرەزيدەنت ترامپتىڭ قولى قويىلعان ءبىر بۇيرىقتى جاريا ەتتى. بۇل 2009 جىلى پرەزيدەنت وبامانىڭ بۇيرىعىن كۇشىنەن قالدىردى. سول كەزدە وباما جارلىق ءتۇسىرىپ، گۋانتاناموداعى تۇرمەنى جابۋ شەشىمىن شىعارعان ەدى. بۇل تۋرالى «WSJ» باسىلىمى حابارلادى.

ترامپ بيلىككە كەلۋدەن بۇرىن دا وبامانىڭ قاماۋداعى قىلمىسكەرلەردى قىسقارتۋ تۋرالى ساياساتىن سىنعا العان ەدى. وتكەن جىلى قاڭتار ايىندا رەسمي اقش پرەزيدەنت بولىپ تاعايىندالعان ترامپ ءوزىنىڭ Twitter پاراقشاسىنا گۋانتاناموداعى تۇرمەنى جابۋدىڭ دۇرىس ەمەستىگىن، بۇل ارەكەت قاۋىپتى ادامداردى قايتادان ۇرىس الاڭىنا باستاپ كەلۋ ەكەنىن جازعان بولاتىن.

گۋانتاناموداعى تۇرمە. فوتو: WSJ.

ناتيجەسىندە گۋانتانامو تۇرمەسى تۋرالى وبامانىڭ بۇيرىعىن ترامپ رەسمي كۇشىنەن قالدىردى. اق ءۇي مانساپتىلارىنىڭ ايتۋىنشا الداعى ۋاقىتتا ترامپ بۇل ماسەلەگە ءوز اۋزىمەن تۇسىنىك بەرەتىن كورىنەدى.

“The Qazaq Times”