مۋاممار كاددافي «مانچەستەر يۋنايتەد» فۋتبول كلۋبىن ساتىپ الماق بولعان

ليۆيانىڭ ەكس-باسشىسى مۋاممار كاددافي ۇلىبريتانيالىق «مانچەستەر يۋنايتەد» فۋتبول كلۋبىن ساتىپ الماق بولعان – دەپ حابارلايدى «The Sunday Times» گازەتى.

باسىلىم مالىمەتىنشە، 2004 جىلى «مانچەستەر يۋنايتەد» فۋتبول كلۋبىنىڭ قارجىگەرى مەحمەت دالمان مۋاممار كاددافيمەن كەلىسسوزدەر جۇرگىزۋ ءۇشىن ليۆياعا بارعان. كەلىسسوزدەر بارىسىندا مۋاممار كاددافي كلۋبتىڭ 29,9 پايىز اكتسياسىن ساتىپ الۋعا دايىن ەكەندىگىن ايتقان.

«The Sunday Times» گازەتى جاريالاعان مالىمەتتەردى مۋاممار كاددافيدىڭ ۇلى ساادي كاددافي دە راستاعان. ول باسىلىمعا بەرگەن سۇحباتىندا اكەسىنىڭ كلۋبتى ساتىپ الۋعا دايىن بولعانىن جانە وعان ءوزىنىڭ «مانچەستەر يۋنايتەدتى» ساتىپ الۋعا كەڭەس بەرگەنىن ايتقان. ال قارجىگەر مەحمەت دالماننىڭ ءوزى «مۋاممار كاددافي ەكى ساعاتتىق كەلىسسوزدەردەن كەيىن كلۋبتى تولىقتاي ساتىپ الۋعا دايىن بولدى» دەپ مالىمدەگەن.

ەستەرىڭىزگە سالايىق، مۋاممار كاددافي 2011 جىلى مەملەكەتتىك توڭكەرىس بارىسىندا كوز جۇمعان بولاتىن. ونى 2011 جىلى قازان ايىنىڭ 20-سى كۇنى ليۆيا حالقى سيرت قالاسىنىڭ كوشەسىنە الىپ شىعىپ، قورلاپ ولتىرگەن.

“The Qazaq Times”