جەك ما ءۇشىنشى دۇنيەجۇزىلىك سوعىس تۋرالى ايتتى

Alibaba Group كومپانياسىنىڭ نەگىزىن قالاۋشى جەك ما ءۇشىنشى دۇنەجۇزىلىك سوعىسقا سەبەپ بولۋى مۇمكىن جاعدايلاردى اتادى. RNS سايتىنىڭ مالىمەتىنشە، ول داۆوستا ءوتىپ جاتقان ەكونوميكالىق فورۋمدا  "سوعىس" كەدەيلىك پەن اۋرۋعا قارسى بولاتىنىن ايتقان. 

«ەگەر ءۇشىنشى دۇنيەجۇزىلىك سوعىس باستالسا - ول اۋرۋعا، قورشاعان ورتانى لاستاۋعا، كەدەيلىككە قارسى باعىتتالادى", - دەيدى ول.

ونىڭ سوزىنشە، ءبىرىنشى دۇنيەجۇزىلىك سوعىستىڭ دا، ەكىنشى دۇنيەجۇزىلىك سوعىستىڭ سەبەبى تەحنولوگيالىق رەۆوليۋتسيا بولعان. "قازىرگى ۋاقىتتا دا ءۇشىنشى تەحنولوگيالىق رەۆوليۋتسيا بولىپ جاتىر", - دەدى جەك ما.

سونداي-اق، ول جاڭا تەحنولوگيالاردىڭ پايدا بولۋى تابىستى ادامدار مەن قىزىقتى ماماندىقتاردىڭ كوبەيۋىنە ىقپال ەتىپ وتىرعانىن، الايدا سول جاڭا تەحنولوگيالار ۇلكەن الەۋمەتتىك ماسەلەگە اكەپ سوعۋى مۇمكىن ەكەنىن ايتادى. ويتكەنى قازىرگى كەزدە ادامداردىڭ جاساندى ينتەللەكتىگە، روبوتتارعا قىزىعۋشىلىعى ارتا تۇسكەن.

“The Qazaq Times”