حۆق مۇناي باعاسىنا قاتىستى كەزەكتى بولجامىن جاريالادى

حالىقارالىق ۆاليۋتا قورى وتكەن جىلدىڭ قازان ايىنا قاراعاندا 2018 جىلعى الەمدىك مۇناي باعاسىنا قاتىستى بولجامىن 9,7 دوللارعا كوتەردى. 

قوردىڭ قاڭتار ايىنا ارنالعان ەكونوميكالىق بولجامىنا سەنسەك (World Economic Outlook), قارا التىننىڭ جىلدىق ورتاشا باعاسى باررەلىنە 59,9 دوللارعا جەتۋى مۇمكىن. دەگەنمەن 2019 جىلعا ارنالعان بولجام بيىلعى جىلعا قاراعاندا 3,5 دوللارعا تومەن.

ايتا كەتەيىك، وتكەن جولى حۆق 2017-2018 جىلدارعا ارنالعان بولجامىن سايكەسىنشە، 1,6 جانە 1,8 دوللارعا نەمەسە باررەلىنە  50,3-50,2 دوللارعا دەيىن تومەندەتكەن.

قازىرگى ۋاقىتتا Brent ماركالى قارا التىننىڭ باعاسى  باررەلىنە 69 دوللار شاماسىندا. استانا ۋاقىتىمەن 9:45-تە ناۋرىز ايىنا ارنالعان فيۋچەرستىك باعا 69,41 دوللار بولعان. باعانىڭ كوتەرىلۋىنە وپەك پەن وعان مۇشە ەمەس ەلدەر وكىلدەرىنىڭ كەزدەسۋىنەن سوڭ رەسەي ەنەرگەتيكا ءمينيسترى الەكساندر نوۆاكتىڭ "مۇنايلى ەلدەر وسى جىلى دا شيكىزات ءوندىرىسىن قىسقارتۋدى جالعاستىرادى" دەگەن مالىمدەمەسى اسەر ەتۋى مۇمكىن.

“The Qazaq Times”