فوتو: پراۆدا-تۆ

نەمىس پارلامەنتىنىڭ ۆيتسە-پرەزيدەنتى، گەرمانيانىڭ سوتسيال-دەموكراتيالىق  پارتياسىنىڭ جەتەكشىسى توماس وپپەرمان كانتسلەردىڭ قىزمەتتە بولۋ مەرزىمىن ەكى كەزەڭمەن شەكتەۋ تۋرالى پىكىر ءبىلدىردى.  

Welt اقپاراتىنا قاراعاندا ول "كانتسلەر بولۋ گەرمانيادا قيىن جۇمىس" جانە الداعى ون جىلدا "دەموكراتيا تالابى بويىنشا بۇل قىزمەتتىڭ جاڭا يمپۋلسكە يە بولۋى ەكىتالاي" ەكەنىن ايتقان.

سونداي-اق، توماس وپپەرماننىڭ سوزىنشە، كانتسلەردىڭ قىزمەتتىك كەزەڭى قىسقارعانمەن، وكىلەتتىگى 4 جىلدان 5 جىلعا سوزىلۋى مۇمكىن.

قازىرگى كەزدە گەرمانيادا كانتسلەر بۋندەستاگ ارقىلى 4 جىلعا سايلانادى. ياعني كانتسلەر بولىپ سايلانعان تۇلعا ءار ءتورت جىل سايىن بىرنەشە رەت سايلانىپ، قىزمەتىن كەزەڭ-كەزەڭىمەن شەكسىز جالعاسىرا الادى. مىسالى انگەلا مەركەل قازىرگى گەرمانيا كانتسلەرى رەتىندە ءۇش كەزەڭ قاتارىنان سايلانىپ، قىزمەتىن 12 جىل بويى جالعاستىرىپ كەلەدى. ول العاش رەت 2005 جىلى كانتسلەر بولىپ تاعايىندالعان. ودان كەيىن 2009, 2013 جىلدارى قايتا سايلاندى.

دەگەنمەن مەركەلدىڭ 2017 جىلى ءتورتىنشى كەزەڭگە سايلانۋى ءالى رەتتەلمەي كەلەدى. وسىعان بايلانىستى ەل ۇكىمەتىندە دە ءالى باسقارۋشى كواليتسيا تولىق قۇرىلا قويعان جوق.

گەرمانيا تاريحىندا فەدەرالدى كانتسلەر قىزمەتىندە ەڭ ۇزاق بولعان تۇلعا - گەلمۋت كول. ول نەمىس ۇكىمەتىن 16 جىل نەمەسە 4 كەزەڭ قاتارىنان (1982-1998 جىل) باسقارعان.

“The Qazaq Times”