فوتو: Reuters

بۇۇ سولتۇستىك كورەيانىڭ يادرولىق قارۋ باعدارلاماسىن دامىتۋعا جاۋاپتى كيم جوڭ سيك پەن ري پيوڭچولعا قارسى سانكتسيا ەنگىزدى. بۇۇ-نىڭ قاۋىپسىزدىك كەڭەسى بۇل قاتاڭ شارانى پيوڭياڭنىڭ ۇزدىكسىز زىمىران سىناقتارىن وتكىزۋ سەبەبىنەن قابىلداپ وتىر. اتالعان تۇلعالار اقش-تاعى بارلىق اكتيۆتەرىنە قولجەتىمدىلىكتەن ايىرىلادى جانە شەتەلدىك ترانزاكتسيالار ورىنداي المايدى. بۇل تۋرالى ۆۆس اقپاراتتىق اگەنتتىگى جازدى. 

پيوڭياڭ زىمىران سىناقتارى كەزىندە تۇسىرىلگەن بارلىق فوتوسۋرەتتەردە سولتۇستىك كورەيانىڭ باسشىسى كيم جوڭ ۋنىڭ جانىنان تابىلاتىن قوس تۇلعاعا قويىلعان شەكتەۋلەردى تولىق ەكونوميكالىق بلوكاداعا باستايتىن "سوعىس قيمىلى" دەپ اتادى.

Reuters اقپاراتتىق اگەنتتىگىنىڭ مامىر ايىندا جۇرگىزگەن زەرتتەۋى اتالعان تۇلعالاردى يادرولىق قارۋ قۇراستىرۋشى جاڭ چان حامەن قاتار كيم جوڭ ۋننىڭ  الدىندا ەرەكشە بەدەلى بار ەكەنىن كورسەتكەن. اگەنتتىكتىڭ حابارلاۋىنشا، كيم جوڭ سيك رەسەيدە ءبىلىم العان  اسكەري اۋە كۇشتەرىنىڭ گەنەرالى، ال ري پيوڭول زەينەتتەگى زىمىران قۇراستىرۋ سالاسىنداعى عالىم.

بۇۇ سولتۇستىك كورەيانىڭ 28 قاراشادا وتكىزگەن سوڭعى زىمىران سىناعىنان كەيىن پيوڭياڭعا قارسى تومەندە كورسەتىلگەن جاڭا سانكتسيالاردى ەنگىزگەن بولاتىن:

  • مۇناي ونىمدەرىن جەتكىزۋ جىلىنا 500 مىڭ باررەل، ال شيكى مۇناي تاسىمالى جىلىنا 4 ملن باررەلگە دەيىن قىسقارادى;
  • شەت ەلدە جۇمىس ىستەيتىن بارلىق سولتۇستىك كورەيا ازاماتتارى 24 ساعات ىشىندە ەلىنە ورالۋى كەرەك;
  • سولتۇستىك كورەيادان كولىك جانە ەلەكتر قۇرىلعىلارىن يمپورتتاۋعا تىيىم سالىنادى.

سولتۇستىك كورەيانىڭ مەملەكەتتىك KCNA اقپاراتتىق اگەنتتىگى سانكتسيا تۋرالى مالىمدەمەدەن كەيىن "اقش ءبىزدىڭ مەملەكەتىمىزدەن قورىققانى سونشالىق، پيوڭياڭعا قارسى بارىنشا كوبىرەك قىسىم جاساۋعا تىرىسىپ باعۋدا", - دەپ جازدى.

“The Qazaq Times”