كاتار اقش-تىڭ اۋە جويعىشتارىن ساتىپ الادى

اقش-تىڭ قورعانىس مينيسترلىگى بوينگ (Boeing) كومپانياسى كاتارعا 36 دانا  F-15 اۋە جويعىشتارىن جەتكىزۋ تۋرالى قۇنى 6,2 ملرد $ بولاتىن كەلىسىمگە قول قويدى. پەنتاگوننىڭ رەسمي مالىمدەمەسىنە سايكەس، ۇشاقتار سەينت ليۋستە دايىندالىپ، كاتارعا 2022 جىلى تاسىمالدانادى. بۇل تۋرالى ءال-جازيرا اقپاراتتىق اگەنتتىگى جازدى. 

پەنتاگون جاريالاعان قۇجاتتا "كاتار اقش-تان اسكەري ماقساتتا F-15QA ماركالى 36 اۋە بومبىلاۋشى ۇشاعىن ساتىپ الادى. بۇل - كاتاردىڭ امەريكادان الۋى كەرەك 72 اەروقۇرىلعىسىنىڭ جارتىسى" دەلىنگەن. 2016 جىلدىڭ قاراشا ايىندا باستالعان باستاما وسى جىلدىڭ ماۋسىمىندا كاتار مەن امەريكا اراسىندا 12 ملرد $ باعالانعان كەلىسسوزدەرگە قول قويۋمەن ناتيجەلى اياقتالعان بولاتىن.

كاتاردىڭ قورعانىس ءمينيسترى حالەد ءال-اتتيا ءوز سوزىندە: "بۇل كەلىسىم كاتاردىڭ ەكسترەميزم مەن تەرروريزمگە قارسى كۇرەسۋ تۋرالى ستراتەگيالىق ماقساتتارىن جۇزەگە اسىرۋ جولىندا اقش-پەن ارىپتەستىگىن جانداندىرۋعا مۇددەلى ەكەنىن كورسەتەدى", -دەدى.

وسىدان بۇرىن كاتار اقش پەن ۇلىبريتانيادان "تايفۋن" جويعىشتارىن ساتىپ الاتىنى جونىندە مالىمدەمە جاساعان ەدى. اتالعان كەلىسسوزدەر كاتارعا قارسى اراب ەلدەرىنىڭ تاراپىنان التى ايدان استام ۋاقىتقا سوزىلعان بلوكادا كەزىندە جاسالىپ وتىر.

“The Qazaq Times”