فوتو: Reuters

اقش-تىڭ مەملەكەتتىك حاتشىسى رەكس تيللەرسون امەريكا سولتۇستىك كورەيامەن كەلىسسوزدەرگە كەز كەلگەن ۋاقىتتا دايىن ەكەنىن حابارلادى. ول وسى مالىمدەمەسى ارقىلى اقش-تىڭ وسىعان دەيىنگى "پيوڭياڭ يادرولىق قارۋدان باس تارتپايىنشا، ەشقانداي كەلىسىمگە كەلمەيمىز" دەگەن پوزيتسياسىن جوققا شىعاردى. بۇل تۋرالى ۆۆس اقپاراتتىق اگەنتتىگى جازدى. 

رەكس تيللەرسون ۋاشينگتوندا وتكەن ساياسي فورۋمدا: "كەزدەسىپ، قالاساڭدار اۋا-رايى تۋرالى بولسىن سويلەسەيىك", - دەدى. جۋىردا سولتۇستىك كورەيادا رەسمي ساپارمەن بولعان بۇۇ-نىڭ ساياسي ماسەلەلەر جونىندەگى وكىلى دجەففري فەلتمان "كحدر سوعىستىڭ بولعانىن قالامايدى" دەپ، پيوڭياڭنىڭ (پحەنيان) بەيبىت كەلىسىمنەن باس تارتپايتىنىن ءبىلدىرىپ ەدى.

وسىعان دەيىن اقش-تىڭ مەملەكەتتىك حاتشىسى امەريكا قارۋلانعان پيوڭياڭدى قابىلداي المايتىنىن ايتقان بولاتىن. بۇگىن ول قاراپايىم اۋا-رايىن تالقىلاۋ بولسا دا، كەلىسسوزدەردى ءبىر تاقىرىپتان باستاۋ كەرەكتىگىن ايتتى. ول قوس تاراپتىڭ اراسىندا ديالوگتىڭ باستالۋىنىڭ ءوزى ۇلكەن ماڭىزعا يە ەكەندىگىن ەرەكشە اتاپ ءوتتى.

“The Qazaq Times”