فوتو: vestifinance.ru

Deutsche Bank-ءتىڭ باس ەكونوميسى تورستەن سلوك بيتكوين كريپتوۆاليۋتاسىن 2018 جىلعى بولاتىن ەڭ ۇلكەن 30 قاۋىپتىڭ تىزىمىنە كىرگىزدى، دەپ حابارلايدى vestifinance.ru. 

Bloomberg باسىلىمى جاريالاعان تىزىمدە كريپتوۆاليۋتادان بولەك 2018 جىلى الەمگە  تونەتىن قاۋىپتەر اراسىندا مىنالار ايتىلعان:

  • سولتۇستىك كورەيا
  • Brexit
  • قىتايدىڭ جىلجىمايتىن مۇلىك نارىعىنداعى "كوپىرشىك"
  • يتالياداعى سايلاۋ
  • رەسەيدەگى پرەزيدەنت سايلاۋى
  • اقش-تاعى مۇلىك تەڭسىزدىگىنىڭ بەلەڭ الۋى
  • اقش قور نارىعىنداعى تۇزەتۋلەر
  • 2018 جىلى ەۋروپا ورتالىق بانكىنىڭ QE باعدارلاماسىنىڭ اياقتالۋى

نەمىس بانكى ساراپشىلارىنىڭ سوزىنشە، بيتكوين كۋرسىنىڭ قۇبىلۋى ءىرى ينۆەستورلارعا اۋىر سوققى بولۋى مۇمكىن. ويتكەنى بيتكوين قۇرالدارىنىڭ تانىمال بولا ءتۇسۋى ونىڭ قۇلدىراپ كەتۋىنە اسەر ەتۋى عاجاپ ەمەس.

ايتا كەتەيىك بۇدان بۇرىن 7 جەلتوقساندا Deutsche Bank ءوزىنىڭ پرەزەنتاتسياسىن جاريالاعان. وندا كريپتوۆاليۋتانىڭ ينۆەستيتسيا ءۇشىن قاۋىپتى جانە سوڭعى ۋاقىتتاعى ونىڭ شامادان تىس قىمباتتاۋى سپەكۋلياتسيا ەكەنى ايتىلعان. ءتىپتى بيتكويننىڭ  قۇبىلمالىلىعى جانە تسيفرلى ۆاليۋتالىق ينفراقۇرىلىم بويىنشا باقىلاۋدىڭ جوقتىعى ۇلكەن شىعىندارعا اكەپ سوعۋى مۇمكىن.

“The Qazaq Times”