Фото: vestifinance.ru

Deutsche Bank-тің бас экономисі Торстен Слок биткоин криптовалютасын 2018 жылғы болатын ең үлкен 30 қауіптің тізіміне кіргізді, деп хабарлайды vestifinance.ru. 

Bloomberg басылымы жариялаған тізімде криптовалютадан бөлек 2018 жылы әлемге  төнетін қауіптер арасында мыналар айтылған:

  • Солтүстік Корея
  • Brexit
  • Қытайдың жылжымайтын мүлік нарығындағы "көпіршік"
  • Италиядағы сайлау
  • Ресейдегі Президент сайлауы
  • АҚШ-тағы мүлік теңсіздігінің белең алуы
  • АҚШ қор нарығындағы түзетулер
  • 2018 жылы Еуропа орталық банкінің QE бағдарламасының аяқталуы

Неміс банкі сарапшыларының сөзінше, биткоин курсының құбылуы ірі инвесторларға ауыр соққы болуы мүмкін. Өйткені биткоин құралдарының танымал бола түсуі оның құлдырап кетуіне әсер етуі ғажап емес.

Айта кетейік бұдан бұрын 7 желтоқсанда Deutsche Bank өзінің презентациясын жариялаған. Онда криптовалютаның инвестиция үшін қауіпті және соңғы уақыттағы оның шамадан тыс қымбаттауы спекуляция екені айтылған. Тіпті биткоиннің  құбылмалылығы және цифрлы валюталық инфрақұрылым бойынша бақылаудың жоқтығы үлкен шығындарға әкеп соғуы мүмкін.

“The Qazaq Times”