الەمنىڭ "سىرا ىشكىش" ساياساتكەرلەرى

باتىس ەلدەرىندە كەز كەلگەن مەرەكەلەردى «سىرامەن» اتاپ ءوتۋ داستۇرگە اينالعان دەۋگە بولادى. ءتىپتى، پرەزيدەنتتەرىنىڭ ءوزى قاراپايىم سىراحانالارعا بارىپ، مەرەكەلەردى اتاپ وتۋگە اتسالىسادى ەكەن. جالپى، سىرا دەگەنىمىز – ارپا، سۋ جانە قۇلماق (حمەل) ارالاستىرىپ اشىتۋ ارقىلى دايىندالاتىن الكوگولى از سۋسىن (ىشىمدىك). ونىڭ قۇرامىندا 4-10%-عا دەيىن تەز سىڭەتىن تاعامدىق زاتتار، 0,3-0,4% كومىرقىشقىل گازى مەن ورگانيكالىق قىشقىلدار، 1,8-6% شاماسىندا الكوگول بولادى. كەيبىر ساياساتكەرلەر جاسىرماستان، سىرانى وزدەرى دايىنداپ ىشەتىندىكتەرىن اشىپ ايتقان.

سىرانى دايىنداۋدىڭ بىزگە ءمالىم ءادىسىن ۇسىنعاندى ءجون سانادىق. سىرا دايىنداۋدا ارپانى تازالايدى، جۋادى، سۋعا سالىپ ءجىبىتىپ قابىعىنان اجىراتادى. وسى داندەردى كوكتەتىپ،  ارى قاراي ىستىق بۋمەن كەپتىرىپ،  ديىرمەنگە تارتادى دا، سۋعا ارالاستىرادى. سۋدا ءبىرشاما ۋاقىت ۇستالعان سوڭ،  قويۋ ماسساعا اينالادى. ونى ءسۇزىپ، ۇستىنە قۇلماق (حمەل) سالىپ قايناتادى. وسىدان سوڭ پايدا بولعان ماسسانى قايتا ءسۇزىپ سۋىتادى.  سوسىن اشىتۋ اپپاراتىندا 5-90°س تەمپەراتۋرادا، 7-8 تاۋلىك ساقتالادى. ودان سوڭ ارى قاراي اشىتۋ جانە ءدامى جەتىلۋ ءۇشىن، 0-20°س تەمپەراتۋرادا، ارناۋلى ىدىستا ساقتايدى. سىرانىڭ تولىق اشۋ ۋاقىتى 21-90 تاۋلىكتى قامتيدى.

تومەندە "سىرا جانە ساياساتكەر" دەگەن ايدارمەن فوتوسۋرەتتەر ۇسىنىپ وتىرمىز.

باراك وباما. فوتو: ria.ru

2012 جىلى ايوۆ شتاتىنداعى سايلاۋالدى تۋرنەدە، اقش پرەزيدەنتى باراك وباما، بارلىق ىشىمدىكتەردىڭ ىشىندە سىرانى تاڭدايتىنىن جانە ونى ءوزى دايىندايتىندىعىن ايتقان.

ۆلاديمير پۋتين. فوتو: ria.ru

2012 جىلدىڭ 19 قاڭتارىندا سانكت-پەتەربۋرگ قالاسىندا ۆلاديمير پۋتين رەسەي فۋتبول وداعىنىڭ 100 جىلدىعىنا وراي ۇيىمداستىرىلعان مەرەكەلىك كەشتىڭ قوناعى بولدى. رەسمي ءىس-شارالارعا عانا ەمەس، جانكۇيەرلەرىمەن «سىرا ءىشىپ وتىراتىن» بەيرەسمي وتىرىستارعا دا ۋاقىت بولەدى ەكەن.

حيلاري كلينتون. فوتو: ria.ru

2008 جىلدىڭ 12ساۋىرىندە اقش پرەزيدەنتتىگىنە ۇمىتكەر حيلاري كلينتون دەموكرات-دوستارىمەن  «برونكو» رەستورانىندا باس قوسقان. ينديانا شتاتىنداعى 72 سەزد دەلەگاتتاردىڭ داۋىس بەرۋى – اقش-تىڭى ءبىرىنشى حانىمى ءۇشىن سىرا ىشۋگە سەبەپ بولدى. ناتيجەسىندە، 7 مامىر كۇنى كلينتون يندياناداعى «پرايمەريزدى» جەڭىپ الدى. الايدا تۋرا ءبىر ايدان كەيىن (7 ماۋسىمدا) ىشكى پارتيالىق كۇرەستەن باس تارتىپ، وبامانىڭ كانديداتۋراسىن قولدايتىنىن ايتتى.

موناكو البەر جانە جۇبايى شارلەن. فوتو: ria.ru

2012 جىلى موناكو البەر II جانە جۇبايى شارلەن مونتە-كارلودا «وكتوبەرفەست» فەستيۆالىن اشتى. باۆارلىقتاردىڭ ۇلتتىق كيىمىن كيگەن جۇبايلار، ۇلكەن ىدىسپەن سىرا ءىشىپ، مەرەكەنى باستاپ  بەردى.

نيكوليا ساركوزي. فوتو: ria.ru

2007 جىلى نيكوليا ساركوزي پرەزيدەنت بولىپ  تاعايىندالعاننان كەيىن، فرانتسۋز سىرا جاساۋشىلارى – مەملەكەتتىڭ ءبىرىنشى ادامى ىشپەيدى دەپ دابىل قاققان بولاتىن. راسىندا، بۇل سۋرەت 11 جىل بۇرىن، ساركوزيدىڭ قارجى ءمينيسترى رەتىندە پاريجدەگى حالىقارالىق اۋىل شارۋاشىلىق كورمەسىنە قاتىسقان كەزىندە تۇسىرىلگەن.

انگەلا مەركەل. فوتو: Ria.ru

باق-تا انگەلا مەركەلدىڭ سىرامەن وتىرعان سۋرەتتەرى ءجيى بايقالادى. 2016 جىلى 29 اقپاندا فولكمارزەنە قالاسىنداعى پارتيا جاقتاۋشىلارىمەن باس قوسۋدا گەرمانيا كانتسلەرىنىڭ سىرا ءىشىپ وتىرعان كەزى. وسى وتىرىستان 2 كۇن بۇرىن حانىمدى «سىراعا شومىلدىردى» دەسە دە بولادى. بۇل وقيعا  27-ءسى كۇنى دەممينە قالاسىندا ورىن العان. انگەلا مەركەلگە قىزمەت كورسەتىپ جۇرگەن داياشى، شالىنىپ قالىپ، بىرنەشە سىرا قۇيىلعان قۇتىسى بار ناۋاسىن حانىمنىڭ ۇستىنە قۇلاتىپ العان. الايدا، كانتسلەر بايىپپەن قاراپ، كەزدەسۋدى ءارى قاراي جالعاستىرا بەرگەن.

دەۆيد كەميرون. فوتو: ria.ru

باق-تىڭ حابارلاۋىنشا، ۇلىبريتانيانىڭ پرەمەر-ءمينيسترى دەۆيد كەميرون  Guinnes پەن كلاسسيكالىق ەلدى جاقسى كورەدى.

بيلل كلينتون. فوتو: ria.ru

1998 جىلعى مامىر ايىنداعى، بيرمينگەمدەگى G8 ءسامميتى قارساڭىندا اقش پرەزيدەنتى بيلل كلينتون، ۋاقىت تاۋىپ قاراپايىم قالالىق سىراحانالاردىڭ بىرىندە سىرا ءىشىپ وتىرعان كەزىندە تۇسىرىلگەن سۋرەت.

"حانزادا ەلسكي". فوتو: ria.ru

2002 جىلى ۋەلسكي چارلز حانزاداعا «حانزادا ەلسكي» اتاعى بەرىلدى. وعان «پارتيالىق-پارلامەنتتىك سىراحانالار توبىنان» ارنايى سىيلىق بەرىلدى. وسىلايشا،  حانزادا اعىلشىن اۋىلدارىنداعى سىراحانالاردىڭ جويىلىپ كەتپەۋى ءۇشىن «Pub is the Hub» كومپانياسىن اتاپ ءوتتى.

فرانسۋا وللاند. فوتو: ria.ru

نيكوليا ساركوزي پرەزيدەنت بولىپ  تاعايىندالعاننان كەيىن، فرانتسۋزدىق سىرا جاساۋشىلار – مەملەكەتتىڭ ءبىرىنشى ادامى ىشپەيدى دەپ دابىل قاقسا، كەرىسىنشە بيلىككە فرانسۋا وللاند كەلگەندە سىرا جاساۋشىلار الاڭداي باستادى. 2013 جىلى فرانتسيا باسقارماسى، پرەزيدەنتتىڭ قولداۋىمەن جاڭا جوبا ۇسىندى. ول جوبا بويىنشا، سىراعا سالىناتىن سالىق 160 پايىزعا ءوستى.

"The Qazaq Times"