اۋستراليا اقش-تىڭ ازياداعى ىقپالى ازايىپ كەلەدى دەپ ەسەپتەيدى

اۋستراليا اقش پرەزيدەنتى دونالد ترامپتىڭ تۇسىندا امەريكانىڭ  ازياداعى ىقپالى تومەندەپ كەلە جاتقانىن ايتىپ، ەسكەرتۋ جاسادى. اقش-تىڭ وداقتاستارى قىتايدىڭ سىرتقى ساياساتى كۇشەيۋىنە وراي، اقش-تىڭ قازىرگى باسشىسىنىڭ كوپ ماسەلەگە ارالاسپاي، وقشاۋلانۋ ساياساتىن ۇستاناتىنىنا نارازى ەكەنىن جاريالاعان اۋستراليانىڭ سىرتقى ساياساتى تۋرالى اق كىتاپ دەپ اتالاتىن بايانداما اراعا  13 جىل سالىپ، جارىق كورىپ وتىر. بۇل تۋرالى APF اقپاراتتىق اگەنتتىگى جازدى. 

136 بەتتەن تۇراتىن قۇجاتتا "اقش اۋستراليانىڭ ەكىنشى دۇنيەجۇزىلىك سوعىستان كەيىنگى تاريحىندا وڭىردەگى باسىمدىققا يە مەملەكەت بولاتىن. قازىر قىتاي امەريكانىڭ پوزيتسياسىنا باسەكەلەس بولىپ وتىر" دەلىنگەن. قىتاي اۋستراليانىڭ بۇل مالىمدەمەسىن وبەكتيۆتى دەپ باعالاعانىمەن، وڭتۇستىك قىتاي تەڭىزىنە قاتىستى ەسكەرتپەلەرىن جاراتپادى.

قىتاي - اۋستراليانىڭ الدىڭعى قاتارلى ساۋدا ارىپتەستەرىنىڭ ءبىرى. اقش-پەن تاريحي بايلانىستارى اۋەلدەن قۇرىلعان اۋستراليا ونىڭ تاياۋ شىعىستاعى بىرقاتار اسكەري وپەراتسيالارىنا كومەك قولىن جىبەرگەن كەزى دە بولعان.

“The Qazaq Times”