زيمبابۆە پرەزيدەنتى بيلىكتەن كەتتى

زيمبابۆەدە ەكى اپتاعا سوزىلعان ساياسي داعدارىس اياقتالىپ، ەلدى 37 جىل  باسقارعان روبەرت مۋگابە بيلىكتەن كەتتى. بۇل جاڭالىقتى جەرگىلىكتى حالىق قۋانىشپەن قابىلداپ،  كوشە بويىندا مەرەكەلىك شەرۋ ۇيىمداستىردى. 93 جاستاعى الەمنىڭ ەڭ قارت بيلەۋشىسى بولىپ كەلگەن روبەرت مۋگابە وسىدان بۇرىن اسكەر باسشىلارىنىڭ مەملەكەتتىك بيلىكتى ءوز قولدارىنا العاندارىنا قاراماستان، لاۋازىمىن بوساتۋدان باس تارتقان بولاتىن. 

روبەرت مۋگابەگە ءوزى مۇشەلىك ەتەتىن Zanu-PF پارتياسى قارسى شىعىپ، وعان يمپيچمەنت جاريالاۋ تۋرالى ۇسىنىستى پارلامەنتكە وتكىزگەننەن كەيىن، (بۇرىنعى) مەملەكەت باسشىسى قىزمەتىنەن كەتەتىنىن حابارلادى. ونىڭ حالىققا ارناپ جازعان حاتىن پارلامەنتتىڭ ءباسپاسوز قىزمەتكەرى وقىدى.

زيمبابۆە كونستيتۋتسياسىنا سايكەس، روبەرت مۋگابەنىڭ ورنىن قازىرگى ۆيتسە-پرەزيدەنت پەلەكەزەلا مپوكو باسۋى كەرەك. دەگەنمەن بيلەۋشى Zanu-PF پارتياسى ەكس-پرەمەر ەممەرسون منانگاگۆانىڭ كانديداتۋراسىن قولداپ وتىر. پارلامەنت وكىلدەرى وسىدان ەكى اپتا بۇرىن روبەرت مۋگابەنىڭ باسشىلىعىمەن قىزمەتىنەن بوساتىلعاننان كەيىن، ومىرىنە قاۋىپ ءتونىپ تۇرعانى تۋرالى قاۋەسەتتەن شەت ەلگە كەتىپ قالعان منانگاگۆا مىرزا 48 ساعار ىشىندە زيمبابۆەگە قايتا ورالاتىنىن جەتكىزدى.

“The Qazaq Times”