ترامپ ازيا-تىنىق مۇحيت ەلدەرىن ادىلەتتى ساۋدا جاساۋعا شاقىردى

اقش پرەزيدەنتى دونالد ترامپ كەشە، جۇما كۇنى، ازيا-تىنىق مۇحيتى ەكونوميكالىق ىنتىماقتاستىق فورۋمىنا (Asia-Pacific Economic Cooperation, قىسقاشا اتەس) قاتىسقان كەزدە قۇراما شتات ۇلتتىق ەكونوميكانى جانە كوممەرتسيالىق قۇقىقتارىن جوعارى دەڭگەيدە قورعايتىنىن، وعا قوسا ەكونوميكاعا تۇساۋ سالاتىن كوپجاقتى كەلىسىمدەرگە قول قويمايتىنىن مالىمدەدى. بۇل تۋرالى «WSJ» باسىلىمى حابارلادى

ترامپ اتەس وتىرىسىنداعى 21 ەلدىڭ بيزنەس كوشباسشىلارىمەن كەزدەسۋ كەزىندە، جاھاندىق ساۋدا جۇيەسى جانە دۇنيەجۇزىلىك ساۋدا ۇيىمى سياقتى ءتيىستى ەرەجەلەردى جاسايتىن ۇيىمدار قۇراما شتاتتار ءۇشىن ادىلەتسىز شەشىمدەر شىعارىپ وتىرعانىن ايتتى. ول تاعى سوزىندە قۇراما شتاتتاردى بۇل اتالعان ۇيىمداردان باس تارتۋعا ءماجبۇر ەتپەۋىن سۇرادى.

ترامپ سوزىندە ءۇندى جانە تىنىق مۇحيت ايماعىنداعى ەلدەردىڭ اراسىندا اقش-پەن سەرىكتەس بولعىسى كەلەتىن جانە ساۋداداعى ادىلدىك پەن ءوزارا قارىم-قاتىناس قاعيداسىنا باعىناتىن كەز كەلگەن ەلمەن ەكى جاقتى ساۋدا كەلىسىمشارتتارىنا قويا الاتىنىن ايتىپ ءوتتى.  الايدا، ەلدەردىڭ ەگەمەندىگىنە، ەركىندىك پەن ادىلەتتىلىككە قايشى كەلىسىمدەردەن باس تارتاتىنىن دا ايتتى.

ترامپتىڭ ساۋداداعى پەرسپەكتيۆاسى كونفەرەنتسياعا قاتىسۋشى وزگە 20 ەلدىڭ اراسىنداعى ساۋدا بايلانىسىنا دا اسەر ەتۋى مۇمكىن دەپ بولجايدى ماماندار. وسىدان بۇرىن، «ۇلكەن جەتىلىك» نەمەسە «G20» ەلدەرى باسشىلارىمەن كەزدەسۋ كەزىندە دە، ترامپ ولارمەن پىكىر بىرلىگىنە كەلە الماپ ەدى.

“The Qazaq Times”