فوتو: APF

اقش كۋبانىڭ ازاماتتارى مەن زاڭدى تۇلعالارىنا قارسى جاڭا شەكتەۋلەر ەنگىزدى. امەريكانىڭ بۇل جولعى قارا تىزىمىنە كۋبانىڭ مەملەكەتتىك كومپانيالارى مەن قوناق ۇيلەر جانە دۇكەندەرى كىرگەن. سونداي-اق ارالعا ساپار شەگەتىن امەريكالىق ازاماتتار دا ەندى تەك ارنايى تۋريستىك توپتىڭ قۇرامىندا عانا ساياحاتقا شىعا الادى. بۇل تۋرالى ۆۆس اقپاراتتىق اگەنتتىگى جازدى. 

اقش ۇكىمەتى جاڭا شەكتەۋلەردىڭ وسىعان دەيىن امەريكا ديپلوماتتارىنىڭ قۇپيا دەرتكە شالدىعۋىنا بايلانىستى بولعان جانجالعا قاتىسى جوقتىعىن اتاپ ءوتتى. ۆۆس-ءدىڭ مەكسيكا مەن ورتالىق امەريكاداعى ءتىلشىسى Will Grant اقش-كۋبا قارىم-قاتىناستارى قازىر ەڭ تومەنگى دەڭگەيگە تۇسكەنىن ايتادى. باراك وبامانىڭ كەزىندە قايتا قالپىنا كەلە باستاعان ديپلوماتيالىق قارىم-قاتىناستاردىڭ وزگەرەتىنىن ماۋسىم ايىندا دونالد ترامپ بۇرىنعى پرەزيدەنتتىڭ جوباسىنان باس تارتاتىنى تۋرالى مالىمدەمەسى ارقىلى بىلدىرگەن ەدى.

سونىمەن اقش-تىڭ سالقىن قاباعىنا تومەندەگىلەردى قوسقاندا، جالپى سانى 180 كۋبالىق كومپانيا ىلىككەن:

  • كۋبانىڭ ىشكى ىستەر جانە قورعانىس مينيسترلىكتەرى
  • 83 قوناق ءۇي
  • 2 تۋراگەنتتىك پەن 5 حولدينگتىك كومپانيا
  • گاۆاناداعى 10 ساۋدا دۇكەنى
  • 2 روم زاۋىتى

“The Qazaq Times”