اقش پەن تۇركيا اراسىنداعى ۆيزالىق پروتسەسس قايتا جانداندى

اقش تۇركيا ازاماتتارىنا يمميگراتسيالىق ەمەس ۆيزالاردى شەكتەلگەن كولەمدە بەرۋدى قايتا باستايدى. وتكەن ايدا ەكى ەلدىڭ اراسىندا توقتاتىلعان ۆيزا بەرۋ پروتسەسى قايتا جاندانباق. اقش-تىڭ  ارەكەتىنە جاۋاپ رەتىندە تۇركيا دا ءوزىنىڭ ۋاشينگتونداعى ەلشىلىگى ارقىلى امەريكالىق ازاماتتارعا "شەكتەلگەن تۇردە" ۆيزا بەرۋدى باستايتىنىن حابارلادى. 

تۇركياداعى امەريكالىق دەلەگاتسيانىڭ سايتىندا: ء"بىز قوس تاراپتىڭ اراسىنداعى قاۋىپسىزدىك ماسەلەلەرى ءبىرشاما قالىپقا ءتۇستى دەپ ەسەپتەيمىز. سوندىقتان ۆيزا بەرۋ قىزمەتتەرىن قايتادان جولعا قويۋعا بولادى" دەلىنگەن. يمميگراتسيالىق ەمەس ۆيزالارعا ستۋدەنتتىك، مەديالىق، جۇمىس جانە تۋريستىك ۆيزالار كىرەدى.

بۇگىن تۇركيانىڭ پرمەەر-ءمينيسترى بينالي يىلدىرىم اقش-قا رەسمي ساپارمەن بارادى. كەزدەسۋ بارىسىندا ول ۆيزا پروتسەسىن تالقىلاپ،  فەتحۋللاح گيۋلەننىڭ ەكستراديتسيالاۋ تاقىرىبىن قايتا كوتەرەدى.

وتكەن ايدا تۇركياداعى امەريكا ەلشىلىگىنىڭ قىزمەتكەرى ورتالىق بيلىك تاراپىنان تۇتقىندالعاننان كەيىن، اقش تۇركيالىقتارعا ۆيزا بەرۋدى  توقتاتىپ تاستاعان بولاتىن. ءال-جازيرا اقپاراتتىق اگەنتتىگىنە بەلگىلى بولعانىنداي، تۇركيا امەريكالىق ازاماتتى بوساتقان جانە كەلەسىدە وسىعان ۇقساس تۇتقىنداۋ وپەراتسيالارى تۋرالى اقش-تى الدىن الا حاباردار ەتىپ وتىرۋعا ۋادە بەرگەن.

“The Qazaq Times”