دۇنيەجۇزىلىك بانك مۇناي باعاسى بويىنشا بولجامىن تومەندەتتى

دۇنيەجۇزىلىك بانك 2017 جىلعى مۇناي باعاسىنىڭ ءوسۋىن 2 دوللارعا نەمەسە 53 دوللارعا دەيىن تومەندەتتى. ال  2018 جىلعا ارنالعان بولجامى بۇدان بۇرىنعى بولجامىنا قاراعاندا 4 دوللارعا ارزانداپ 56 دوللار شاماسىندا بولدى. بۇل تۋرالى ۇيىمنىڭ تاۋار باعالارى ەسەبىندە ايتىلعان.

بۇدان بۇرىن دۇنيەجۇزىلىك بانك وسى جىلى مۇناي باعاسىنىڭ ءوسىمى 55 دوللارعا دەيىن بولادى دەپ بولجاعان. 2018 جىلى شيكىزاتتىڭ ءبىر بوشكەسى 60 دوللار بولادى دەگەن.

"اقش-تاعى مۇناي ەكسپورتەرلەرىنىڭ  ءوندىرىس كولەمىن كەلىسىپ تومەندەتۋى جانە سلانەتس مۇنايىن ءوندىرۋدى تۇراقتاندىرۋ ناتيجەسىندە مۇنايدىڭ باعاسى 2018 جىلى باررەلىنە $56 دەيىن وسەدى دەپ كۇتىلۋدە", - دەپ جازىلعان قۇجاتتا.

ايتا كەتەيىك، بۇگىنگى اقپارات بويىنشا Brent ماركالى مۇناي باعاسى 59,4 دوللارعا دەيىن كوتەرىلدى جانە بۇل وسى جىلعى ەڭ جوعارعى كورسەتكىش.

“The Qazaq Times”