فوتو: ۆۆس

رەسەي اقش-تىڭ سۇرياداعى ەر-راككا قالاسىن "يسلام مەملەكەتى" لاڭكەستىك ۇيىمىنان ازات ەتۋ وپەراتسياسى بارىسىندا جەرگىلىكتى بەيبىت تۇرعىنداردى بومبىلاۋدىڭ استىنا الىپ، كوپ قازاعا سەبەپكەر بولعانى ءۇشىن كىنالادى. ماسكەۋدىڭ مالىمدەمەسىندە امەريكانىڭ قالانى تەرروريستەردەن بوساتۋ بارىسىنداعى اسكەري قيمىلدارى "شاھاردى جەر بەتىنەن جويىپ جىبەرۋگە شاق قالدى" دەپ سيپاتتالعان. بۇل تۋرالى ۆۆس اقپاراتتىق اگەنتتىگى جازدى. 

ەر-راككادا جاسالعان فوتوسۋرەتتەر قالانىڭ كوپ بولىگى ۇيىندىلەرگە اينالىپ، تىپ-تيپىل قيراعانىن كورسەتەدى. رەسەي بۇل كورىنىستى ەكىنشى دۇنيەجۇزىلىك سوعىس كەزىندەگى گەرمانيانىڭ درەزدەن قالاسىنىڭ العان سوققىسىنا تەڭەدى. بۇۇ-نىڭ سوعىس ۇستىندە ،ولعان قىلمىستاردى زەرتتەيتىن ماماندارى ەر-راككادا وتە كوپ بەيبىت تۇرعىن كوز جۇمعانىن حابارلادى. سۇريالىق بەلسەندىلەر شامامەن سوعىستا جان تاپسىرعان 1130-1873 ارالىعىنداعى قالا تۇرعىندارىنىڭ باسىم كوپشىلىگى امەريكا اۋە كۇشتەرىنىڭ بومبىلاۋىنا تاپ بولعانىن ايتادى.

رەسەيدەن مالىمدەمە جاساعان يگور كوناشەنكو باتىستان ەر-راككاعا كەلەتىن كومەr ولاردىڭ ءوز قىلمىستارىن جاسىرۋعا جاساعان تالپىنىسى دەگەن ءپىر ءبىلدىردى. ەر-راككاداعى جەڭىلىستەن كەيىن ەندىگى كۇرەس "يسلام مەملەكەتى" ۇيىمىنا قارسى داير-ءاز-زاۋر قالاسى ماڭىندا ءجۇرىپ جاتىر.

وتكەن جىلى الەپپو قالاسىن بومبىلاۋ كەزىندە رەسەيدىڭ اۋە كۇشتەرىنە ءدال وسىنداي ايىپ تاعىلعان ەدى.

“The Qazaq Times”