فوتو: KCNA / REUTERS

سولتۇستىك كورەيا اقش-قا كۇتپەگەن جەردەن قاتتى سوققى جاسايتىندارىن مالىمدەدى. بۇل تۋرالى ەلدىڭ مەملەكەتتىك اقپارات اگەنتتىگى تاراتقان مالىمدەمەدە ايتىلعان، دەپ حابارلايدى وڭتۇستىك كورەيانىڭ «يونحاپ» اگەنتتىگى.

بۇل ەسكەرتۋ كورەي تۇبەگىندە اقش پەن وڭتۇستىك كورەيانىڭ اسكەري كەمەلەردىڭ تەڭىز جاتتىعۋلارىن وتكىزۋىنە  بايلانىستى جاسالعان.

پەنتاگون بولسا USS Ronald Reagan (CVN-76) اۋە كەمەسىن كورەي تۇبەگىنىڭ شىعىس جاعالاۋىنا جىبەردى. اۋە كەمەسى  ۇشۋ تراەكتورياسىن باقىلاۋ جانە سولتۇستىك كورەيانىڭ بالليستيكالىق زىمىراندارىن توقتاتۋ ماقساتىندا جىبەرىلىپ وتىر.

بۇدان بۇرىن 26 قىركۇيەكتە امەريكالىق گەنەرال دجوزەف دانفورد سولتۇستىك كورەيا جاقىن ارادا اقش-قا قاتتى سوققى بەرۋ ءۇشىن «يادرولىق بومباسى بار كونتينەنتالدىق بالليستيكالىق زىمىراندى دايىنداپ جاتقانىن» ايتقان. ونىڭ پىكىرىنشە، كحدر قازىرگى ۋاقىتتا اقش ءۇشىن ەڭ قاۋىپتى ەل بولىپ وتىر.

“The Qazaq Times”