ۇكىمەت ارمياسى كۇردتەردىڭ قارسىلىعىنا ۇشىراۋدا. فوتو: Foreign Policy.

يراكتا تاعى دا سوعىس ءورتى تۇتانۋدىڭ از-اق الدىندا تۇر. وسى اپتانىڭ باسىندا يراك ۇكىمەت ارمياسىنىڭ مۇنايلى ايماق كيركۋككە كىرۋى كۇرد جاۋىنگەرلەرىنىڭ قارسىلىعىنا ۇشىراپ، قارۋلى ەكى توپ اراسىندا قاقتىعىس بولعان ەدى. قارۋلى كۇرد جاۋىنگەرلەرى كيركۋكتى قورعاۋعا «انت» بەرىپ، ۇكىمەت ارمياسىمەن سوعىسۋعا بەل بايلاپ وتىر. بۇل تۋرالى BBC-ءدىڭ رەسمي سايتى حابارلادى.

قازىر دە كۇردىستان ايماعىندا قايشىلىق كۇشەيە ءتۇستى. يراك ۇكىمەت ارمياسى كيركۋكتى باقىلاۋىنا العاننان كەيىن،  باعدات بيلىگىنىڭ پارمەنىمەن سينجار قالاسىنا دا باسىپ كىردى. ۇكىمەت كۇشتەرىنىڭ ارەكەتتەرى جيىلەپ، كۇردىستان اۋماعىنا كىرگەن سايىن كۇرد قارۋلى كۇشتەرىنىڭ دە قارسىلىق ارەكەتتەرى كۇشەيدى.

قاقتىعىستىڭ كۇشەيۋىنە تاعى ءبىر سەبەپ جەرگىلىكتى كۇردتەردىڭ بەلسەندىلىگىنەن بولىپ وتىر. ايتالىق، كيركۋكتەگى جانە وعان جاقىن اۋماقتاردا كوشەلەرگە قارۋلانعان بۇقارالار ۇكىمەت كۇشتەرىنە قارسىلىق كورسەتۋدە. ولار: «ءبىز «يسلام مەملەكەتى» سودىرلارىمەن سوعىسىپ، 2 مىڭ جاۋىنگەرىمىزدەن ايىرىلعانبىز. يراك پرەمەر-مينيسترىنەن قورىقپايمىز»، – دەپ ۇرانداۋدا.

قازىر يراكتىڭ ىشكى قايشىلىعى كورشىلەس ەلدەرمەن قوسا باتىس جۇرتىن دا الاڭداتا باستادى.

"The Qazaq Times"