اقش كورول سالماننىڭ رەسەيمەن بايلانىس ورناتقانىنا وكپەلى

ساۋد ارابياسىنىڭ كورولى سالمان ءال-ساۋدتىڭ ماسكەۋ ساپارىنا بايلانىستى اقش-تىڭ ورتا شىعىسقا قاراتقان ساياساتىندا دا بەلگىلى دارەجەدە وزگەرىس بولدى. اقش مەملەكەتتىك دەپارتامەنتى تاراتقان مالىمەتتە قۇراما شتاتتىڭ قورعانىس كۇشتەرى ەندىگى جەردە شىعاناق ەلدەرىمەن اسكەري جاتتىعۋ وتكىزبەيتىن بولىپ شەشكەن. بۇل تۋرالى Associated Press اقپاراتتىق اگەنتتىگى جازدى.

قۇراما شتاتتىڭ شىعاناق ەلدەرىمەن بولاتىن اسكەري جاتتىعۋدى توقتاتۋ شەشىمىن جاريا ەتۋى، تىكەلەي ساۋد ارابيا پاتشاسى مەن ءپۋتيننىڭ كەزدەسۋىنە بەرگەن جاۋابى دەۋگە بولادى. ءتىپتى وسىعان دەيىن كاتار داعدارىسى كەزىندە دوحا اكىمشىلىگىن ايىپتاپ كەلگەن ۋاشينگتون ەندىگى جەردە كاتار امىرلىگىنە دەگەن پوزيتسياسىن دا وزگەرتە باستادى. شىعاناق ەلدەرىمەن بىرگە جاساساتىن كەيبىر اسكەري وقۋ-جاتتىعۋلارىن كۇشىنەن قالدىرعالى وتىر.

بارلىق ەلدەردىڭ اقپارات قۇرالدارىنا بەلگىلى بولعانىنداي، ۋاشينگتوننىڭ بۇل شەشىمى كورول سالمان يبن ابدۋل ازيز ءال-ساۋد پەن ۆلاديمير ءپۋتيننىڭ كەزدەسۋىنەن كەيىن بولعان س-400 زىمىرانىنان قورعانۋ جۇيەسىن ساتىپ الۋ-ساتۋ كەلىسىمىنە قارسى شىعارىلعانى انىق.

“The Qazaq Times”