انتونيو تاياني ەۋروپا پارلامەنتىنىڭ توراعاسى بولدى

فرانتسيانىڭ ستراسبۋرگ قالاسىنداعى ەۋروپا پارلامەنتى جالپى كەڭەسىندە 4 تۋرعا سوزىلعان توراعالىق سايلاۋىندا يتالياندىق انتونيو تاياني 351 داۋىس جيناپ، ەۋروپا پارلامەنتىنىڭ جاڭا توراعاسى رەتىندە سايلاندى.

سايلاۋ قورىتىندىسى جاريالانعان سوڭ ءسوز العان تاياني جەڭىسىن وتكەن جىلى يتالياداعى ءزىلزالادا قازا تاپقاندارعا ارناعانىن اتاپ، ەۋروپا ءۇشىن بىرلىك شاقىرۋى تاستادى.

انتونيو تاياني بۇل مىندەتكە سايلانعان سوڭ وتكىزگەن العاشقى ءباسپاسوز جينالىسىندا بولسا ەۋروپادا ىنتىماقتاستىق پەن بىرلىككە قاجەتتىلىك بار ەكەنىنە نازار اۋداردى.

تاياني ۇلىبريتانيانىڭ بولاشاقتا ەۋرووداق ءۇشىن ماڭىزدى ءبىر ورتاق ەكەنىن دە اتاپ كورسەتتى.

"The Qazaq Times"