ۇلىبريتانيا باسىلىمى: ترامپ اقش تاريحىندا ەشبىر پرەزيدەنتكە ۇقساماعان اق ءۇي باسشىسى

پرەزيدەنتتەرىنىڭ ءومىرى تۋرالى شۇيلىگە زەرتتەۋگە قۇمار كەلەتىن، اقش جۋرناليستەرى، بۇگىن ترامپ تۋرالى تاعى ءبىر «سولاقاي» مالىمەتتەر تاراتتى. جاڭا مالىمەت بويىنشا ترامپ 150 جىلدان بەرگى اقش پرەزيدەنتتەرىنە ورتاق بولعان «قالىپتى» بۇزعان. بۇل تۋرالى «شينلاڭ» اقپاراتتىق سايتى جازدى.

ول اقش تاريحىنداعى ەڭ باي پرەزيدەنت. بىراق، ونىڭ اسكەري-ستراتەگيالىق جانە ساياسي تاجىريبەسى جوق. ول جانە 1988 جىلدان بەرى سايلاۋدا جەڭىسكە جەتىپ، جالپىعا بىردەي سايلاۋ قۇقىعىنا يە بولماعان ەكى پرەزيدەنتتىڭ ءبىرى. ەڭ قىزىقتىسى ول 150 جىلدان بەرى قۇراما شتاتقا پرەزيدەنت بولعاندار اراسىنداعى ءۇي جانۋارىن اسىرامايتىن بىردەن ءبىر پرەزيدەنت ەكەن.

ۇلىبريتانيانىڭ «The Economist» باسىلىمىنىڭ حابارىنا قاراعاندا، ترامپتان بۇرىنعى ءۇي جانۋارلارى جوق پرەزيدەنت ەندريۋ جونسون (Andrew Jonhson) بولعان ەكەن. ول وسىدان 150 جىل بۇرىن اق ءۇيدىڭ تاعىنا وتىرىپتى. 1869 جىلى پرەزيدەنت تاعىنان كەتكەن. ول سونداي-اق، كونگرەسكە قارسى يمپيچمەنت قويعان قۇراما شتاتتارىنىڭ تاريحىنداعى ەڭ تانىمال پرەزيدەنتتەردىڭ ءبىرى (ەندى ءبىرى بيلل كلينتون).

امەريكا قۇراما شتاتتارىنىڭ «پرەزيدەنت جانۋارلارى مۇراجايى» (Presidential Pet Museum) بەرگەن مالىمەتتەرى بويىنشا، اقش پرەزيدەنتتەرى اسىراعان جانۋارلار سانى 300-دەن اسادى. ونىڭ اراسىندا يت، جىلقى، ءۇي جانە ءتۇز قۇستارى كوبىرەك كەزدەسەدى. ال، تىم سيرەك ايۋ، جولبارىس، كروكوديل جانە قاسقىر اسىراعان پرەزيدەنتتەرى دە بار بولىپ شىقتى. ءۇي جانۋارلارىن كوپ اسىراعان اقش پرەزيدەنتتەرى قاتارىندا تۇڭعىش پرەزيدەنتتەرى ۋاشينگتون مەن پرەزيدەنت رۋزۆەلت كوش باستايدى.

«امەريكالىقتاردىڭ ۇكىمەتتەرى تۋرالى باستى الاڭدايتىنى ءىس باسقارۋ جۇيەسى مەن «رەسەيشىل» ۇكىمەتتىڭ ورناۋى دەۋگە بولادى. بۇل جاعىندا ترامپ اقش تاريحىنداعى ەڭ كوپ داۋعا قالعان پرەزيدەنت دەۋگە بولادى دەپ جازدى ۇلىبريتانيانىڭ «The Economist» باسىلىمى.

“The Qazaq Times”