قاتەرلى ىسىكتى انىقتايتىن قالام ويلاپ تابىلدى

اقش-تا تەحاس ۋنيۆەرسيتەتىنىڭ عالىمدارى قاتەرلى ىسىك جاسۋشالارىن 10 سەكۋندتا انىقتايتىن قۇرىلعى ويلاپ تاپتى. سىرت كورىنىسى قالامعا ۇقسايتىن قالتاعا سىيىمدى قۇرىلعى قاۋىپتى دەرتتى ۋاقىتىلى ناقتىلاۋعا، وتا جاساۋعا پايدالانىلۋى مۇمكىن. بۇل تۋرالى BBC اقپاراتتىق اگەنتتىگى جازدى. 

Science Translational Medicine جۋرنالىندا جاريالانعان سىناما قورىتىندىلارى قۇرىلعىنىڭ 96 پايىز جاعدايدا تيىمدىلىگىن دالەلدەگەن. MasSpec Pen دەپ اتالاتىن مەديتسينالىق قالام كۇدىكتى جاسۋشانىڭ بەتىنە ءبىر تامشى سۋ  جىبەرىپ، سۇيىقتىققا جينالعان جاسۋشا ىشىندەگى بوگدە زاتتاردى قايتا سورىپ الىپ، زەرتتەۋگە بەرەدى.

مەديتسينا قىزمەتكەرلەرىنىڭ ايتۋىنشا، قاتەرلى ىسىكتى الىپ تاستاۋعا ارنالعان وتالاردىڭ قيىندىعى زاقىمدانعان جانە  ساۋ جاسۋشالاردى ءبىر-بىرىنەن اجىراتا الۋدا. قاتەرلى ىسىك جايلاعان جاسۋشالاردىڭ ءبىرى نازاردان تىس قالىپ قويسا، دەرت اعزادا قايتا تارالۋى مۇمكىن. ال ەگەر ساۋ جاسۋشاعا دارىگەردىڭ قۇرالى ءتيىپ كەتسە، مي سياقتى بولىكتەردىڭ وتاسى كەزىندە قيىندىق تۋىنداۋى مۇمكىن. ال جاڭادان ويلاپ تابىلعان قۇرىلعى وتالاردى قاۋىپسىز، جىلدام ءارى ناقتى جاساۋعا مۇمكىندىك بەرەدى.

“The Qazaq Times”