فۋتبولدان ءسۇريا ۇلتتىق قۇراماسى 2018 جىلى وتەتىن الەم چەمپيوناتىنا بارۋى مۇمكىن.
كەشە قىركۇيەكتىڭ 5-ءى كۇنى ءسۇريا قۇراماسى ازيا بويىنشا الەم چەمپيوناتىنا ىرىكتەۋ ويىندارى اياسىندا ا توبىنداعى سوڭعى كەزدەسۋىن يرانعا قارسى وتكىزدى. تەھرانعا (تەگەران) قوناققا بارعان ءسۇريا فۋتبولشىلارى جان الىسىپ، جان بەرىسكەن ويىندا يراندىقتارمەن 2:2 ەسەبىمەن تەڭ وينادى. بۇل ناتيجە سۇريالىقتاردىڭ الەم چەميپوناتى ىرىكتەۋ كەزەڭىنىڭ ءتورتىنشى اينالىمىندا باق سىناۋىنا مۇمكىندىك بەرەدى. ەگەر ولار ءتورتىنشى كەزەڭدە جەڭىسكە جەتەتىن بولسا وندا 2018 جىلى رەسەيدە وتەتىن الەم چەمپيوناتىنا جولداما الادى.
ايتا كەتەتىن ءبىر جايت، ءدال وسى ا توبىندا وزبەكستان قۇراماسى دا ونەر كورسەتكەن بولاتىن. بىراق ولار ءوزىنىڭ سوڭعى ويىنىندا وڭتۇستىك كورەيا قۇراماسىمەن 0:0 ەسەبىمەن تەڭ ويناپ، 13 ۇپايمەن ءتورتىنشى ورىنعا تابان تىرەگەن. وزبەكستان قۇراماسى سۇرياعا تەك دوپ ايىرماشىلىعى بويىنشا عانا ەسە جىبەرىپ قويعان ايتپەسە سۇريالىقتاردىڭ قورجىنىندا دا 13 ۇپاي.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى