اقش پرەزيدەنتى دونالد ترامپ. فوتو: Evan Vucci / AP

اقش بيلىگى ليۆانعا قارسى جاڭا سانكتسيا جوباسىنا حالىققا جانە ەل ەكونوميكاسىنا اسەرىن ازايتۋ ءۇشىن وزگەرىستەر ەنگىزدى. بۇل تۋرالى ريا نوۆوستي حابارلايدى.

Financial Times مامىر ايىندا اقش اكىمشىلىگىنىڭ ليۆاننىڭ باسشىلىعىنا اسەر ەتىپ وتىرعان «حەزبوللا» شيت توبى مەن ونىڭ جاقتاستارىنا قارسى جاڭا سانكتسيالاردى قاراستىرىپ جاتقانىن حابارلاعان.

ەندى جاڭا سانكتسيا ليۆاننىڭ شيت حالقىنا ەمەس، ناقتى ادامدارعا عانا اسەر ەتەتىن بولادى. ونىڭ ۇستىنە سانكتسيا تىزىمىنەن «امال» شيت توبى شىعارىلعان.

الايدا بۇل نۇسقانىڭ ناقتى ەكەنى ازىرگە بەلگىسىز. سەبەبى كونگرەسس سانكتسياعا قاتىستى زاڭ جوباسىن كۇزدە قارايتىن بولادى. سونداي-اق، بۇل جوباعا قاتىستى اقش پرەزيدەنتى دونالد ترامپتىڭ دا كوزقاراسى قانداي ەكەنى بەلگىسىز كۇيدە قالىپ وتىر.

“The Qazaq Times”